बुटवल,असाेज २१-

बुटवलकाे लुम्बिनी प्रादेशिक अस्पताल बुटवलमा उपचारका क्रममा दाङकी एकजना कोरोना संक्रमित महिलाको मृत्यु भएको छ । राप्ती गाउँपालिका-८ की ७१ वर्षीय महिलाको मृत्यु भएको हो ।

अस्पतालले बुधबार प्रेस विज्ञप्ति जारी गरी अस्पतालको फिबर क्लिनिकको आइसोलेसनमा उनको मृत्यु भएको पुष्टि गरेको छ । असोज १७ गते कोरोना पोजेटिभ पुष्टि भएकी ती महिला होम आइसोलेसनमा बसेकी र स्वास्थ्यमा समस्या आएपछि मंगलबार दिउँसो ४ बजे अस्पताल भर्ना भएकी अस्पतालका सूचना अधिकारी डा. विष्णु गौतमले बताए ।

महिलामा श्वासप्रश्वास समस्या हुनुका साथै उच्च ज्वरो आएको थियो । यसअघि बुटवल धागाे कारखानामा रहेकाे बुटवल कोरोना विशेष अस्थायी अस्पतालमा २ जना संक्रमितको मृत्यु भएको थियाे । मृत्यु हुनेमा पश्चिम नवलपरासीको सुनवल ५ का ७६ वर्षीय पुरुष र बुटवल ९ की ५५ वर्षीया महिला रहेको अस्पतालका सूचना अधिकारी डा. विष्णु गौतमले बताए ।

मृतकहरुमा सुख्खा खोकी, उच्च ज्वरो र उच्च रक्तचापको समस्या थियो ।स्वास्थ्यमा समस्या भएपछि सुनवलबाटै पीसीआर परीक्षणका लागि असोज १५ गते स्वाब पठाई १६ गते पोजिटिभ नतिजा आएपछि अस्पतालको आईसीयूमा भर्ना गरिएका पुरुषको गएराती १२:५० बजे मृत्यु भएको हो । 

असोज १७ गते लुम्बिनी प्रादेशिक अपतालमा ल्याई पीसीआर परीक्षणा गरिएकामा नतिजा पोजिटिभ आएपछि कोरोना अस्पतालमा भर्ना गरिएकी महिलाको बुधवार बिहान साढे ५ बजे मृत्यु भएको गौतमले बताए ।  

• नेपालमा २४ घण्टामा ३४३९ जनामा कोरोना संक्रमण पुष्टि,मृतकको संख्या ५७८ पुग्यो

• बुटवल कोरोना विशेष अस्पतालमा थप २ संक्रमितको मृत्यु

नागरिक अनलाइन

लेखकबाट थप

• बुधवार, आश्विन २१ २०७७०५:०४:५६

• Tags:

  # कोरोना भाइरस # कोरोना संक्रमितको मृत्यु

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...