बुटवल,असाेज २१-

लुम्बिनी प्रदेश प्रहरी कार्यालयलेआत्महत्याका घटनालाई न्युनीकरणका लागि चेतनामुलक अभियान  शुरु गरेको छ।

आत्महत्या गर्नेको संख्या निरन्तर वृद्धि भइरहेको अवस्थामा न्युनीकरणका लागि १५ दिने सचेतनामुलक कार्यक्रम शुरु गरेको प्रदेश प्रहरी कार्यालयका प्रवक्ता एसएसपी राजकुमार वैदवारले जानकारी दिए।

उनका अनुसार प्रभावित क्षेत्र समूहमा माईकिङ गर्ने, मिडियाहरुमा आत्महत्या न्यूनिकरणको चेतनामूलक सूचना प्रशारण गर्ने, आत्महत्या न्यूनिकरणमा संलग्न संस्था, आमा समूह, स्थानिय महिला बालबालिकालाई सहभागी गराई टोल, वडा, पालिका स्तरमा अन्तर्क्रिया तथा छलफल गर्ने, चोक चोकमा स-साना समुहमा चेतनामुलक प्लेकार्ड सहितका स्वयंसेवक परिचालन गर्ने जस्ता कार्यक्रम हुनेछन्।

यो अभियान जिल्ला प्रहरी कार्यालयहरु नवलपरासी पश्चिम, रुपन्देही, कपिलवस्तु, पाल्पा, गुल्मी, अर्घाखाँची, प्युठान, दाङ, बाँके, बर्दिया, रुकुम पूर्व र सो मातहतका ईलाका प्रहरी कार्यालय, वडा प्रहरी कार्यालय, प्रहरी चौकी, अस्थायी प्रहरी पोष्ट सहित ३७७ प्रहरी ईकाइबाट दैनिक रुपमा सञ्चालन हुने उनले बताए।

प्रहरीले स्थानीय तह, वडा, सम्वन्धित संघ सस्था, उद्योग वाणिज्य संघ, अन्य सरोकारवाला निकायहरुसँग सहकार्य गरी नागरिक केन्द्रित गरी १००० वटा कार्यक्रम गर्ने लक्ष्य लिएको उनले बताए।

लुम्बिनी प्रदेशमा २०७४-०७५ मा पुरुष ५९९, महिला ४९२ गरी जम्मा १०९१ जनाले आत्महत्या गरेका थिए भने २०७५/०७६ मा पुरुष ५९१, महिला ५३७ गरी जम्मा ११२८ जनाले आत्महत्या गरेको प्रहरीको तथ्यांक छ।

यस्तै २०७६-०७७ मा पुरुष ७१७, महिला ५१९ गरी जम्मा १२३६ जनाले र चालु आर्थिक वर्ष २०७७-०७८ को साउन र भाद्रमा पुरुष १७७ महिला १११ गरी जम्मा २८८ जनाले आत्महत्या गरेका छन्।

प्रहरीले तीन वर्षको आत्महत्याका घटनाको विश्लेषण गर्दा उदासिनता, मादक पदार्थ र लागूऔषध दुरुपयोग, दीर्घरोगी, मानसिक स्वास्थ्य समस्या, घरेलु हिंसा, आफन्तको मृत्यू, गरिवी, बेरोजगारी, मायामा धोका, पढाईमा असफलता जस्ता आत्म हत्याका मुख्य कारणहरु देखिएको जनाएको छ।

नागरिक अनलाइन

लेखकबाट थप

• बुधवार, आश्विन २१ २०७७०३:१८:५०

• Tags:

  # आत्महत्या # चेतनामुलक अभियान # लुम्बिनी प्रदेश प्रहरी कार्यालय # प्रहरी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा