शुक्रवार, मंसिर २४ २०७८

राष्ट्रिय अपाङ्ग महासंघद्वारा क्षमता अभिवृद्धि अभिमुखिकरण

नागरिक अनलाइन

1.9K

राष्ट्रिय अपाङ्ग महासंघद्वारा क्षमता अभिवृद्धि अभिमुखिकरण

बुटवल,मंसिर २५ ।

राष्ट्रिय अपाङ्ग महासंघ नेपाल लुम्बिनी प्रदेश समितिको आयोजनामा तीन जिल्लाका अपाङ्गता भएका व्याक्तिहरुद्धारा सञ्चालित संघ संस्थाका पदाधिकारीहरुको लागि स्वाथ्य तथा पुर्नस्थापना सम्बन्धी क्षमता अभिवृद्धि अभिमुखिकरण प्रदान गरिएको छ ।

बुटवलमा आयोजना गरिएको अभिमुखिकरण कार्यक्रम दुई दिन सम्म चलेको थियो । विहिबारबाट सुरु भएको कार्यक्रममा रुपन्देही, कपिलवस्तु, नवलपरासीका अपाङ्गता भएका व्याक्तिहरुद्धारा सञ्चालित संघ संस्थाका प्रमुख तथा प्रतिनिधिहरुको सहभागीता रहेको थियो ।

हेन्डीक्याप ईन्टरनेशनल र युएसएआईडीको सहयोगमा तालिम भएको हो । तालिममा राष्ट्रिय अपाङ्ग महासंघ नेपाल लुम्बिनी प्रदेश सचिव हुमनाथ अधिकारी, राष्ट्रिय अपाङ्ग महासंघ नेपाल लुम्बिनी प्रदेश कार्यालय परियोजना अधिकृत शृजना पन्थी लम्साल र राष्ट्रिय अपाङ्ग महासंघ संघीय महासचिव राजु बस्नेत, प्रदेश सदस्य सावित्रा घिमिरे लगायतले सहकजीकरण गरेका थिए ।

अभिमुखिकरण उद््घाटन कार्यक्रममा राष्ट्रिय अपाङ्ग महासंघ नेपालका प्रदेश उपाध्यक्ष शारदा भट्राई, प्रदेश सदस्य सावित्रा घिमिरे लगायतले आ आफ्नो भनाई राखेका थिए ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)