बुटवल,मंसिर २४ । 

मानव अधिकार तथा शान्ति समाज रुपन्देहीले ७३ औं अन्तर्राष्ट्रिय मानव अधिकार दिवस मनाएको छ । समाजले बुटवलको राजमार्ग चौराहामा बिरोध प्रदर्शन गरेर अन्तर्राष्ट्रिय मानव अधिकार दिवस मनाएको हो ।

प्रधानन्यायाधीश चोलेन्द्रशमशेर जबराको शीघ्र बहिर्गमनको माग गर्दै आधा घण्टा प्लेकार्ड प्रदर्शन गरेको हो ।मानवअधिकार संरक्षणका लागि स्वतन्त्र, निष्पक्ष र सक्षम न्यायालय अत्यावश्यक भएकाले प्रधानन्यायाधीश जबराले शीघ्र राजीनामा दिनुपर्ने, नभए महाभियोग लगाउन पनि समाजले सम्वद्ध सबै दलहरूलाई आग्रह गरेको छ ।

धर्नालाई सम्बोधन गर्दै बार काउन्सिलका सदस्य अधिबक्ता बाबुराम पाण्डेले न्यायालय शुद्धीकरणका अहिलेको आवश्यकता रहेको बताउनुभयो । उहाले न्यायलयको गरिमा बचाउनुपर्ने बताउनुभयो ।

कार्यक्रममा शान्ति समाजका केन्द्रिय सचिव मिना ढकाल,रुपन्देहीका सभापति डिपी खनाल,जिल्ला सचिव कपिल ज्ञवाली लगायतले बोल्दै अदालतबाट लोकतन्त्रको उपहास भैरहेको बताए ।

न्यायालयको संवेदनशील विषयमा नेपालमा  दलहरु मौन रहनु उनीहरुको कमजोरी भएको बताएका छन् । 

नागरिक अनलाइन

लेखकबाट थप

• शुक्रवार, मंसिर २४ २०७८०५:२६:०९

• Tags:

  # अन्तर्राष्ट्रिय मानव अधिकार दिवस # शान्ति समाज # मानव अधिकार तथा शान्ति समाज रुपन्देही

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग