बुटवल,मंसिर १८ ।

लुम्बिनी प्रादेशिक अस्पताल बुटवलमा डुप्लेक्स अक्सिजन प्लान्ट संचालनमा आएको छ । बिश्व बैंकको सहयता तथा युनाइटेड नेशन अफिस फर प्रोजेक्ट सर्भिस युएनओपिएस मार्फत् सो डुप्लेक्स अक्सिजन प्लान्ट निर्माण भएको हो ।

आज एक समारोहका बिच बिश्व बैंकको कन्ट्रि म्यानेजर फरिस हाडाड जेरर्भस ,युएनओपिएसका कन्ट्रि म्यानेजर कमल कार्की र अस्पतालका अध्यक्ष सुर्यबहादुर भट्टराइले रिबन काटेर अक्सिजन प्लान्टको उद्घाटन गरे ।

१ सय ४२ सिलिण्डर दैनिक उत्पादन क्षमताको डुप्लेक्स अक्सिजन प्लान्टले प्रतिसिलिन्डर ४६ लिटर अक्सिजन उत्पादन गर्ने युएनओपिएसका कन्ट्रि म्यानेजर कमल कार्कीले जानकारी दिनुभयो ।

यसमा कम्प्रेसर, ट्रायर, कुल टावर, एयर रिसिभर ट्याङक, अक्सिजन स्टोरेज ट्याङक, सिलिन्डर फिलिङ स्टेशन लगायतका उपकरण राखिएको छ ।

यो सिस्टम युएनओपिएसको सहयोगमा करिब ३ करोड रुपैयाँको लागतमा सञ्चालनमा ल्याएको अस्पतालका मेडिकल सुपरिटेन्डेन्ट डा इन्द्र ढकालले बताउनुभयो । उहाले अस्पतालको सेवालाई उत्कृष्ट बनाउन र उपलब्ध साधन स्रोतलाइ सहि रुपमा प्रयोग गरेर बिरामीको सेवा गरिने बताउनुभयो ।

अहिलेको चुनौतीलाई अवसरको रुपमा लिएर चनाखो भई ईमानदारी पूर्वक काम गर्न अस्पतालमा कार्यरत प्रहरी कर्मचारीहरुलाई निर्देशन समेत दिनुभयो ।

कार्यक्रममा स्वास्थ्य तथा जनसंख्या मन्त्रालय गुणस्तर मापन तथा नियमन बिभागका डा मदन उपाध्याय,डा रुद्र मरासीनी,तथा अध्यक्ष भट्टराइले बोल्दै अवसरको सहि सदुपयोग गर्नुपर्ने बताए ।

यसप्रकारका डुप्लेक्स अक्सिजन प्लान्ट  सातै प्रदेशका प्रादेशीक अस्पतालमा जडान गरिने स्वास्थ्य तथा जनसंख्या मन्त्रालयले जनाएको छ ।

नागरिक अनलाइन

लेखकबाट थप

• शनिवार, मंसिर १८ २०७८०२:४२:०१

• Tags:

  # लुम्बिनी प्रादेशिक अस्पताल # डुप्लेक्स अक्सिजन प्लान्ट

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...