बुटवल,मंसिर १४ ।

नेपाली कांग्रेस बर्दियाको सभापतिमा अरुणप्रकाश सिंह राठौर विजयी भएका छन् । मंगलबार बिहान सार्वजनिक अन्तिम मतपरिणाममा राठौरले भुवनेश्वर चौधरीलाई पराजित गरेका हुन् ।

निर्वाचन समितिका अनुसार जिल्ला अधिवेशनमा एक हजार ५७८ मत खसेकामा सभापतिमा विजयी राठौरले ८८० मत प्राप्त गरेका हुन् । उनी संस्थापन समूहबाट उम्मेदवार बनेका थिए ।

उनका प्रतिस्पर्धी चौधरीले ६७८ मत पाएका हुन् । चौधरी संस्थापनइतर समूहका उम्मेदवार हुन् । उनी लुम्बिनी प्रदेश सभाका सांसद पनि हुन् ।

पदाधिकारीसहित कार्यसमितिमा राठौर प्यानल विजयी भएको समितिले जनाएको छ । उपसभापतिमा सोदे विष्ट र गोविन्दप्रसाद थारू, सचिवमा मिनराज चौधरी र जग्गाप्रसाद पाण्डे निर्वाचित भएका छन् भने दुई सहसचिवमा तिलकराम लम्साल र मेकबहादुर गुरुङ विजयी भएका छन् ।

जिल्ला अधिवेशनको परिणामले दुई कार्यकाल जिल्ला सभापति रहेका संस्थापनइतर समूहका नेता सञ्जय गौतम कमजोर देखिएका छन् ।

नागरिक अनलाइन

लेखकबाट थप

• मंगलवार, मंसिर १४ २०७८०२:००:३२

• Tags:

  # अरुणप्रकाश सिंह राठौर # नेपाली कांग्रेस # १४ औं महाधिवेशन

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...