बुटवल,मंसिर ८ ।

नेकपा माओवादी केन्द्रका केन्द्रीय सदस्य रामप्रसाद बन्जाडे (टंकमणि)को सवारी दुर्घटनामा परी मृत्यु भएको छ। दाङबाट बुटवल फर्कँदै गर्दा गएराति साढे ९ बजेतिर पूर्वबाट पश्चिम आउँदै गरेको ना ७ ख ९०६नम्बरको बसले बन्जाडे सवार लु२६ प५८९८ नम्बरको मोटरसाइकललाई ठक्कर दिई घाइते बनाएको थियो। 

उनी सहिद स्मृति प्रतिष्ठान बुटवलका अध्यक्ष समेत रहेका बन्जाडे माओवादी केन्द्र रुपन्देहीका इन्चार्ज हुन् । घाइते भएपछि बुटवलस्थित लुम्बिनी सिटीमा उपचारका क्रममा बुधबार बिहान ६ बजे उनको मृत्यु भएको माओवादी केन्द्र रुपन्देहीका संयोजक निर्मल जिसीले जानकारी दिए। दाङमा घाइते अपाङ्गको बैठकमा सहभागी भएर फर्कँदै गर्दा बुटवल जीतगढीमा दुर्घटना भएको थियो। 

माओवादीको सशस्त्र द्वन्द्वदेखि नै भूमिगत राजनीतिमा होमिएका बन्जाडेको निधनले पार्टीले एक असल र इमानदार कार्यकर्ता गुमाएको माओवादी नेता विनोद पहाडीले बताए।‘सामान्य जीवनशैली तर संगठनका लागि जीवन दिने एक अभिभावकीय नेता गुमाउनुपर्‍यो,’ पहाडीले नागरिक अनलाइनसंग भने। 

५५ वर्षीय बन्जाडेको निधनमा पार्टीले शोक सभा गरेर अन्त्येष्टि गर्ने संयोजक नारायण जिसी निर्मलले बताए। अर्घाखाँची धारापानीमा जन्मिएका बन्जाडे हाल बुटवल जीतगढीमा बस्दै आएका छन्। उनका श्रीमती, एक छोरा र एक छोरी छन्।

नागरिक अनलाइन

लेखकबाट थप

• बुधवार, मंसिर ८ २०७८०८:१९:००

• Tags:

  # रामप्रसाद बन्जाडे (टंकमणि) # नेकपा माओवादी केन्द्र

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन