बुटवल,कार्तिक २७।

नेकपा एमाले पाल्पाले महाधिवेशन प्रतिनिधि छनोट गरेको छ । दुई निर्वाचन क्षेत्र रहेको पाल्पाबाट १८ जनाले महाधिवेशनमा प्रतिनिधित्व गर्नेछन् । १५ जना सर्वसम्मत छनोट भए भने तीन जना केन्द्रीय समितिमा रहेका सोझै प्रतिनिधि हुन पाउनेछन् ।

जसमा खुल्लातर्फ नौ, महिला चार र उत्पीडितबाट दुई जनाले प्रतिनिधित्व गर्ने नेकपा एमाले जिल्ला अध्यक्ष नारायण आचार्यले जानकारी दिए ।  महाधिवेशन प्रतिनिधिमा क्षेत्र नम्बर १ बाट खुल्लातर्फ पुरुष रामपुर नगरपालिकाबाट राधाकृष्ण कँडेल, निस्दी गाउ“पालिकाबाट देवीलाल लामिछाने, माथागढीबाट विमल काफ्ले र तानसेन–८, मदनपोखराबाट झपेन्द्र बहादुर जीसी चयन भए । महिलातर्फ रामपुरकी सरस्वती भट्टराई, रम्भाबाट कुविजा अर्याल सर्वसम्मत भए ।

क्षेत्र २ मा खुल्लातर्फ तानसेन नगरपालिकाबाट अशोककुमार शाही र नविन थापा, तिनाउबाट ओमबहादुर घर्ति, बगनासकालीबाट मोहन थापा मगर, रैनादेवी छहराबाट रामबहादुर राउत सर्वसम्मत भएका छन् । महिलातर्फ तानसेनकी नारायणी शर्मा र रिब्दीकोटकी गीताकुमारी पाण्डेय चयन भएको एमालेले जनँएको छ । यस्तै उत्पीडिततर्फ तानसेन–३ बाट ठाकुर प्रसाद लोहागुन र तानसेन–५ बाट दीपक विश्वकर्मा चयन भएका छन् ।

एमाले केन्द्रीय सदस्यहरु दलबहादुर राना र ठाकुर गैर साथै केन्द्रीय लेखापरीक्षण आयोग सदस्य धनेन्द्रराज घिमिरे प्रतिनिधि हुन पर्दैन । एमाले १० औ महाधिवेशनका लागि १ हजार २ सय पार्टी सदस्य बराबर एक महिलासहित तीन जना प्रतिनिधि छनोट हुन पाउने विद्यानमा व्यवस्था छ । 

नागरिक अनलाइन

लेखकबाट थप

• शनिवार, कार्तिक २७ २०७८०६:२३:०१

• Tags:

  # नेकपा एमाले # महाधिवेशन प्रतिनिधि # १० औं महाधिवेशन

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान