बुटवल,असोज १७-

प्रदेश न ५ नेकपा संसदीय दलको बैठकले ह्वीप लगाउने निर्णय गरेको छ।  स्थायी राजधानी र नामाकरणबारे शुक्रबार सदनमा पेश भएकाे प्रस्तावको पक्षमा मतदान गर्न बैठकले ह्वीप लगाउने निर्णय गरेकाे हाे । 

मुख्यमन्त्री निवास बुटवलमा दिवाभोजसहित बसेको बैठकले प्रस्तावपास गराउनका लागि ह्वीप लगाउने निर्णय गरेको नेकपा सचेतक भूमिश्वर ढकालले जानकारी दिए।

बैठकमा रुपन्देही र पाल्पाका सांसदहरुले रुपन्देहीबाट राजधानी सार्न नहुने धारणा राखेका छन्। बैठकमा कपिलवस्तुका सांसदहरुले भने कपिलवस्तुलाई नै राजधानी बनाउनुपर्ने धारणा राखे।रुपन्देही, नवलपरासी, पाल्पा र कपिलवस्तुका सांसदले दाङमा राजधानी प्रस्ताव गर्नु गलत भएको बताए।

रुपन्देहीका भोजप्रसाद श्रेष्ठ, कमला विश्वकर्मा, तुल्सी चौधरी, विमला पन्थी, दीपा विक, कृष्ण न्यौपाने, थानकुमारी थापा, दधिराम न्यौपानेलगायतका सांसदले असहमति जनाउदै आफ्ना भनाइ राखेका थिए।

‘हामीले दाङको विषयमा असहमति जनाएका छौं। अब मतदानमा के हुन्छ छलफलपछि टुंगो लाग्छ’, एक सांसदले भने ।सांसद विष्णु पन्थीले कपिलवस्तु राजधानी हुनुपर्ने मत राखेका छन्।

उनले संसोधन प्रस्ताव समेत दर्ता गर्ने र पार्टीको ह्विप नमान्ने अडान लिएका हुन्। बैठकमा अर्घाखाँची र गुल्मीका सांसद विपक्षमा रहेनन्। प्युठान, रोल्पा, रुकुमका सांसदले बैठकमा सरकारको निर्णयको समर्थन गरेका छन्। 

सांसदहरुले आफ्ना धारणा राखेपछि दलका नेता तथा मुख्यमन्त्री शंकर पोखरेलले पार्टी निर्णय विपरीत नजान निर्देशन दिए। प्रदेश ५ सरकारले प्रदेशको स्थायी राजधानी दाङको देउखुरी र नाम लुम्बिनी राख्न प्रदेशसभामा प्रस्ताव पेश गरेको थियाे ।  साे प्रस्ताव पेश भएसंगै बिराेधमा बुटवलमा आन्दाेलन शुरु भएकाे छ ।

नागरिक अनलाइन

लेखकबाट थप

• शनिवार, आश्विन १७ २०७७०५:४६:५८

• Tags:

  # नेकपा # बुटवल # प्रदेश ५ # राजधानी # नामाकरण # दाङ # मतदान # नेकपा संसदीय दल

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन