बुटवल,कार्तिक ८ ।

लायन्स क्लव अफ बुटवल लुमिनसले रुपन्देहीको देवदह–९ नागथानमा मधुमेहको निःशुल्क परीक्षण तथा सचेतना कार्यक्रम गरेको छ ।

‘माई लायन्स भिजेल’ का रुपमा ग्रहण गरेको देवदह नागथानका स्थानीयमा स्वास्थ्य सचेतना कार्यक्रम अन्तरगत मधुमेहको परीक्षण तथा सो बारे सचेतना कार्यक्रम गरेको हो ।

कार्यक्रममा एक हजारबढीको मधुमेहको निःशुल्क परीक्षण गरिएको लायन्स क्लव अफ बुटवल लुमिनसका अध्यक्ष सविता भण्डारीले जानकारी दिनुभयो । स्थानीय स्तरमा स्वास्थ्य सचेतना बढाउने उद्देश्यले मधुमेहको निःशुल्क परिक्षण कार्यक्रम तथा स्थानीय विद्यार्थी, अभिभावक तथा शिक्षकका लागि सचेतना कार्यक्रम गरिएको भण्डारीले बताउनुभयो ।

क्लवले दशै तिहारको अवसर पारेर नागथानका झण्डै तीन दर्जन महिला तथा बालबालिकाहरुलाई नयाँ कपडा समेत वितरण गरेको जनाएको छ । सो अवसरमा लायन्सका रिजनल चियर प्रशन सृष्टि गुरुङ्ग, देवदहका जनप्रतिनिधी देवी अधिकारी, टोल विकास समितिका अध्यक्ष विष्णुप्रसाद भट्टराई, प्रगति सामुदायिक वनका अध्यक्ष चमकान्त गौडेल, डाक्टर शान्ता शर्मा लगायतले दशै तिहार र छठ पर्वको शुभकामना दिनु भएको थियो ।  

यसैबीच लायन्स क्लव अफ बुटवल लुमिनसले हिन्दु नेपालीका ठुला चाडपर्वहरु भित्रीएसँगै बुटवल देवीनगरमा रहेको नेपाल अपाङ्ग आश्रमका असहाय तथा अपाङ्गता भएका बालबालिकाहरुलाई खाना खुवाएर खुशीयाली साटासाट गरेको छ ।

आश्रमका अध्यक्ष रामबहादुर रामदामको प्रमुख आतिथ्यतामा गरिएको कार्यक्रममा आश्रमका ३० जना असहाय-अपाङ्गता भएका बालबालिकाहरुलाई खाना खुवाइएको आश्रमका सचिव बिमला गौतमले जानकारी दिनुभयो ।  सो अवसरमा लायन्सका अन्तराष्ट्रिय अध्यक्ष डगलेक्स एक्स एलेक्सजेण्डरको जन्मदिवसको शुभकामना तथा दशै, तिहारको पनि शुभकामना आदान प्रदान कार्यक्रम समेत गरिएको थियो ।

नागरिक अनलाइन

लेखकबाट थप

• सोमवार, कार्तिक ८ २०७८०८:०३:०२

• Tags:

  # लायन्स क्लब # निःशुल्क परिक्षण # लायन्स

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा