सोमवार, आश्विन २५ २०७८

‘प्रहरीले अत्याधिक बल प्रयोग गरेर नागरिकको ज्यान जानु निन्दनीय,राज्यले संयमता गुमाउनु हुन्न’: शान्ति समाज

नागरिक अनलाइन

3.7K

‘प्रहरीले अत्याधिक बल प्रयोग गरेर नागरिकको ज्यान जानु निन्दनीय,राज्यले संयमता गुमाउनु हुन्न’: शान्ति समाज

बुटवल,असाेज २५ ।

चारजना नागरिकको ज्यान जानेगरि रुपन्देहीको मोतिपुर औद्योगिक क्षेत्रमा आइतबार भएको घटनाप्रति मानव अधिकार तथा शान्ति समाजले गम्भिर ध्यानाकर्षण भएको जनाएको छ ।

रुपन्देहीको बुटवलस्थित मोतिपुर औद्योगिक क्षेत्रमा आइतबार स्थानीय र प्रहरीबिच झडप हुँदा अहिलेसम्म ४ जनाको मृत्यु भएको थियाे । साे घटनामा दर्जनौं प्रहरी तथा केहि सञ्चारकर्मी समेत घाइते हुनु दुखद रहेको भन्दै प्रहरीले अत्याधिक बल प्रयोग गरि नागरिकको ज्यान जानु निन्दनीय कार्य भएको समाजको ठहर छ ।

हरेक नागरिकको जीवनको रक्षागर्ने अभिभावकत्व जिम्मेबारी पनि राज्य कै भएको र जस्तोसुकै परिस्थितीमा पनि राज्यले संयमता गुमाउन नहुने शान्ति समाजका सभापति डिपि खनाल र सचिव कपिल ज्ञवालीद्वारा जारी बिज्ञप्तिमा भनिएको छ ।

साे घटनाको कारक तत्व जग्गा प्रकरणमा सम्बन्धमा सम्बन्धित निकाय,राजनैतिक दल ,नागरिक समाज,तथा अन्य सरोकारवालाहरुसंग बिस्तृत छलफल र परामर्श गरि गहन संवादगरि शान्तिपूर्वक निकास निकाल्न प्रशासन समक्ष आग्रह गरेको जिल्ला सभापति खनालले बताए ।

’उक्त घटनामा घाइते भएका सम्पूर्ण ब्याक्तिहरुको स्वास्थ्य उपचारको सम्पूर्ण जिम्मेबारी राज्यलाइ लिन र घटनाको निश्पक्ष छानबिन गर्न सरकारसमक्ष आग्रह गर्दछौं ।’-बिज्ञप्तिमा भनिएको छ ।

यस घटनाद्वारा उत्पन्न भएको बिषम परिस्थितीमा मोतिपुर क्षेत्रमा शान्ति सुब्यबस्था कायम गर्ने,त्रसित नागरिकको जीवनलाइ सामान्यीकरण गर्न सबै सरोकारवाला समक्ष समाजले बिशेष आग्रह गरेको सचिव कपिल ज्ञवालीले जानकारी दिए ।

साे घटनालाइ अध्ययन,अनुगमन गर्दै आइरहेको समाजले जनाएको छ । santi samaj.jpg