बुटवल,असोज १८ ।

सालघारी खानेपानी तथा सरसफाई संस्था बुटवल १२ र १३ को आयोजनामा ३ दिने वृहत सरसफाई अभियान शुभारम्भ भएको छ। अभियानको एक समारोहका बिच बुटवल उपमहानगरपालिका वडा नं १३ का जनप्रतिनिधि बेद प्रकाश गैरेले कार्यक्रमको उद्घाटन गर्दै सरसफाईको विषयमा टोलबासी अग्रसर हुनुपर्ने बताए।

फोहोर ब्यवस्थापन अहिले देशमै मुख्य चुनौती बनेको भन्दै फोहोरबाट मोहरको अभियानलाई जोड्न सकेमात्र दीर्घकालिन समाधान निस्कने दाबी गरे।

जनचेतनामुलक र्यालीमा जबई टोल विकास संस्था, जनकल्याण टोल विकास संस्था, अमरपथ टोल विकास संस्था,  सालघारी टोल विकास संस्था, पासाङ टोल विकास संस्था र संगम टोल विकास संस्था गरि ६ टोलका बासिन्दा सहभागीहरुले सड्ने र गल्ने फोहोर छुट्टाछुट्टै राखौ, ठाउँठाँउमा राखिएका डष्टबिनको उचित प्रयोग गरौँ, बाटोघाटोमा फोहोर नगरौँ, स्वस्थ्य प्रति सचेत बनौँ, सफा रहौँ, स्वस्थ्य रहौँ लगायत प्लेकार्ड सहित सहभागीहरुले घरदैलो गरेका थिए।

खानेपानी संस्थाका अध्यक्ष हितमान पुनले ३ दिनसम्म विविध कार्यक्रम गरि मनाईने बताए। पहिलो दिन सामुहिक रुपमा वृहत जनचेतना कार्यक्रम गरिएको उनले बताए।

सरसफाई र खानेपानी आम नागरिकको स्वस्थ्यसंग जोडिएको मुख्य विषय भएकाले यसलाई जोडदिएर कार्यक्रम गरिएको बताए। दोस्रो आआफ्नो टोलमा संस्थाहरुबाट सरसफाई कार्यक्रम गरिने र यसअवधिमा मुल्यांकन समितिबाट उत्कृष्ट टोल विकास संस्थालाई नगद ५ हजार, २ हजार ५ सय रुपैयासहित प्रमाणपत्रबाट पुरस्कृत गरिने उनले बताए।

संस्थाबाट ९ सय घरधुरीले खानेपानी सेवा लिदै आएको उनले बताए। वडा नं १२ र १३ गरि दुई वडा समेट्ने सो क्षेत्रमा २ हजार पाच सय घरधुरी रहेका छन।

नागरिक अनलाइन

लेखकबाट थप

• सोमवार, आश्विन १८ २०७८१०:३८:३३

• Tags:

  # सालघारी खानेपानी तथा सरसफाई संस्था # नयागांउ खानेपानी # सरसफाई # बेलबास

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा