बुटवल,असोज १७ ।

नेपाली काँग्रेसको १४ औं महाधिवेशन अन्तर्गत  मुस्ताङ काँग्रेसको सभापतिमा रोमी गौचन थकाली सर्वसम्मत निर्वाचित भएका छन् ।

महाधिवेशन अन्तर्गत पालिका र क्षेत्रहरुमा निर्वाचन चलिरहेको बेला मुस्ताङमा पहिलो चरणमै काँग्रेसमा जिल्ला सभापतिमा पूर्वमन्त्री समेत रहेका रोमी गौचन थकाली निर्विरोध निर्वाचित भएका हुन् । 

मुस्ताङको थासाङ गाउँपालिका—३ लेते कालोपानीमा ५ वटै स्थानीय तहमा चुनिएका क्षेत्रीय प्रतिनिधि र क्रियाशील सदस्यको उपस्थितिमा भएको जिल्ला अधिवेशनले सभापतिमा थकालीसहित २३ सदस्यीय जिल्ला कार्यसमिति सर्वसम्मत चयन गरेको हो ।

निर्वाचन अधिकृतको जिम्मेवारी पाएका नेपाल शिक्षक संघ मुस्ताङका अध्यक्ष अनन्त आचार्यले सर्वसम्वत रुपमा रोमी गौचनको अध्यक्षतामा २३ सदस्यीय जिल्ला कार्यसमिति चयन भएको जानकारी दिए ।

 उनका अनुसार उपसभापतिमा विजय हिराचन, महिला उपसभापतिमा ढोका गुरुङ, सचिवमा विकल शेरचन,छेवाङ नर्वु गुरुङ, सहसचिव नम्डुल गुरुङ, सोमल हिराचन र कोषाध्यक्षमा गणेश शेरचन निर्वाचित भएका हुन् ।

अधिवेशनले १५ जना कार्यसमिति सदस्य समेत निर्विरोध निर्वाचित गरेको छ । मुस्ताङका पाँचवटै पालिकामा यहि असोज ९ मा भएको पालिकास्तरीय निर्वाचनमा सभापति, उपसभापति, सचिव, सहसचिव र कोषाध्यक्षसहित १ सय ५८ जना कार्यसमिति निर्विरोध निर्वाचित भएका थिए ।

सर्वसम्मत निर्वाचित अध्यक्ष थकालीले मुस्ताङका पालिका र जिल्लामा निर्विरोध निर्वाचन सम्पन्न भएको बताए ।

नागरिक अनलाइन

लेखकबाट थप

• आइतवार, आश्विन १७ २०७८१०:१४:५२

• Tags:

  # सभापति # रोमी गौचन थकाली # मुस्ताङ काँग्रेस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा