बुटवल,असोज १५ ।

नेकपा एमालेका अध्यक्ष केपी शर्मा ओलीले पार्टीलाई घेराबन्दी गर्ने नयाँ श्रृङ्खला सुरु भएको बताएका छन्। शुक्रबारदेखि ललितपुरको गोदाबरीमा सुरु भएको पार्टीको प्रथम विधान महाधिवेशनको उद्धघाटन सत्रमा बोल्ने क्रममा ओलीले पार्टीलाई घेराबन्दी गर्ने कार्य भएको बताए।

कम्युनिस्ट आन्दोलनलाई बदनाम गर्न फुटलाई प्रश्रय दिएको माधव नेपाललाई आरोप लगाए। सिमिति व्यक्तिको स्वार्थले एकीकरणले मूर्त रुप लिन नसकेको बताउँदै उनले विधान महाधिवेशनलाई एकीकृत महाधिवेशनका रुपमा अर्थ्याए। विधान महाधिवेशन पार्टी जीवनमा नितान्त नयाँ प्रयोग भएको उनको भनाइ थियो।

ओलीले एमालेको हस्तक्षेपकारी निर्णायक भूमिकाका कारण ३ असोज २०७२ मा संविधान जारी हुन सम्भव भएको दाबी गरेका छन्।

ओलीले आफ्नो पार्टीकै अग्रसरताका कारण संविधान जारी गर्ने वातावरण बनाउन तत्कालीन अवस्थामा दलहरुबीच १६ बुँदे सहमति बनेको पनि दाबी गरेका छन्।  संविधान जारी हुँदाको समयमा नेपाली कांग्रेस र माओवादी केन्द्रका नेताहरुले हिंसा र उत्तेजना फैलाउने कार्यमा सहभागी भएको पनि ओलीले आरोप लगाएका छन्। 

नेपाली समाज राजनीतिक स्थायित्व र समृद्धिको युगमा प्रवेश गरेको भन्दै ओलीले आगामी दिनमा पनि संविधानको रक्षा र कार्यान्वयनमा यसैगरी भूमिका खेल्ने उल्लेख गरेका छन्। 

नागरिक अनलाइन

लेखकबाट थप

• शुक्रवार, आश्विन १५ २०७८०३:४३:५८

• Tags:

  # नेकपा एमाले # विधान महाधिवेशन # केपी शर्मा ओली

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा