बुटवल,असोज १४ ।

बुटवल उद्योग बाणिज्य संघ रुपन्देहीले नवउद्यमशाला (विजनेश इन्कुवेशन) कार्यक्रमको लागि आवेदन आह्वान गरेको छ ।

नविनतम सोच भएका युवा उद्यमीलाई व्यबसाय अभिबृद्धिको साथै व्यबसायिक प्रवद्र्धनको लागि आयोजना गरिएको कार्यक्रममा नव उद्यमीलाई आवेदन आह्वान गरिएको हो ।

पहिलो संस्करणमा सफल भएको यो कार्यक्रम दोस्रो संस्करणमा पुन सञ्चालन गर्न लागिएको संघका कार्यकारी निर्देशक मदनकुमार कार्कीले बताउनुभयो ।

यो कार्यक्रममा सहभागि हुनको लागि व्यबसायको संस्थापक नेपाली नागरिक हुनुपर्ने, व्यबसाय सञ्चालन भएको ३ वर्ष नपुगेको हुनुपर्ने र नवीनतम सोचको लागि अवधारणा पेश गर्नुपर्ने न्यूनतम मापदण्ड निर्धारण गरिएको संघका व्यबसाय बिकास अधिकृत तथा कार्यक्रमका फोकल प्रसन केशव ढकालले बताउनुभयो ।

बुटवल उद्योग बाणिज्य संघ, अन्तरप्रेरणा, युवा उद्यमी मञ्च रुपन्देही र लुम्बिनी बाणिज्य क्याम्पसको साझेदारीमा सञ्चालन गरिने उक्त कार्यममा सहभागि हुन चाहने नव उद्यमीले आगामी कात्तिक ३० गतेसम्म आवेदन दिन सकिने उहाँले बताउनुभयो ।

यो कार्यक्रमका माध्यमबाट व्यापार विस्तार तथा व्यबसाय सञ्जाल पहिचानमा सहजता, विजनेश कोच र मेन्टरशिप, मासिक तालिम लगानी मैत्री वातावरणको लाभ लिन सकिने पनि उहाँले बताउनु भयो ।

नागरिक अनलाइन

लेखकबाट थप

• बिहिवार, आश्विन १४ २०७८०४:०१:२०

• Tags:

  # बुटवल उद्योग बाणिज्य संघ # नवउद्यमशाला कार्यक्रम # आवेदन आह्वान

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन