काठमाडौं,असोज १३ ।

प्रधानमन्त्री शेरबहादुर देउवाले तराई क्षेत्रमा मनाइने जितिया पर्व नेपालको एक विशिष्ट पहिचान जनाउने पर्वको रुपमा स्थापित रहेको उल्लेख गरेका छन्। 

जितिया पर्वको अवसरमा स्वदेश तथा विदेशमा रहेका समस्त नेपालीमा सुस्वास्थ्य एवम् दीर्घायुको शुभकामना व्यक्त गर्दै  प्रधानमन्त्री देउवाले हाम्रा संस्कृति र संस्कारमा आफ्नो विशिष्ट पहिचानका विशेषता रहेको बताएका छन्।  

विविधताभित्र एकता र सामाजिक सद्भाव हाम्रा सांस्कृतिक अभ्यासका उदाहरण भएको बताउँदै प्रधानमन्त्री देउवाले यही सद्भाव र एकतालाई प्रवद्र्धन गर्ने पर्वमध्येको एक जितिया पर्व पनि भएको उल्लेख गरेका छन्। यस पर्वले समस्त आमा र सन्ततिबीच माया, प्रेम, समर्पण र वात्सल्यलाई प्रगाढ बनाउने उनले विश्वास व्यक्त गरेका छन्। 

विविध संस्कार, संस्कृति रीतिरिवाज एवं मूल्यमान्यताले जितियालगायत पर्वको विशिष्ट महत्वलाई आत्मसात् गर्दै नेपाल सरकार यस्ता पर्वको संरक्षण र सम्बद्र्धनमा प्रतिबद्ध रहेको उनको भनाइ छ।

जितिया पर्व मनाउने सबैलाई एकताबद्ध भई हर्षोल्लासपूर्वक मनाउन आग्रह गर्दै प्रधानमन्त्री देउवाले यस पर्वले आमा र सन्ततिबीचको पारस्परिक सद्भाव, मातृत्वपूर्ण सम्बन्ध र सहिष्णुताको भावनालाई अझ प्रगाढ र सुदृढ बनाउन प्रेरणा प्रदान गरोस् भनी शुभकामना व्यक्त गरेका छन्। 

नागरिक अनलाइन

लेखकबाट थप

• बुधवार, आश्विन १३ २०७८१०:१६:०१

• Tags:

  # जितिया पर्व # प्रधानमन्त्री शेरबहादुर देउवा

• प्रतिशोधको भावना नलिई संयमता अपनाउन प्रधानमन्त्रीको आग्रह

• राष्ट्रपति पौडेलले बोलाएपछि शीतलनिवास पुगे प्रधानमन्त्री,के-के भयो छलफल ?

• बुटवलका १२ राजनीतिक दलले गरे सामाजिक सद्भाव कायम राख्न संयुक्त अपिल

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)