बुटवल,असोज १३-

प्रदेश पाँचमा एक महिने साबुन पानीले हात धुने अभियान सुरु भएको छ । नेपाल खुल्ला दिसा मुक्त भएको एक वर्ष पुरा भएको अवसरमा प्रदेश पाँच भौतिक पूर्वाधार बिकास मन्त्रालयले एक महिने हात धुने अभियान सुरु गरेको हो ।

कोरोना भाईरस (कोभिड–१९) को संक्रमणबाट बच्नको लागि सरकारले एक महिने अभियान सुरु गरेको भौतिक तथा पूर्वाधार बिकास मन्त्री बैजनाथ चौधरीले जानकारी गराउनुभयो ।

कोरोना भाईरस संक्रमको जोखिम कायमै रहेकाले हात धुने बानिको बिकासलाई अझै प्रभावकारी बनाउनको लागि अभियान सञ्चालन गरिएको उहाँले बताउनुभयो ।

मन्त्रालयमा मंगलबार पत्रकार सम्मेलन गरि अभियानका बारेमा जानकारी गराईएको हो ।मन्त्रालयका अनुसार यो अभियान आगामी कात्तिक १४ गतेसम्म सञ्चालन हुनेछ ।

प्रदेश सरकारका प्रवक्ता रमेत रहनुभएका मन्त्री चौधरीले सरकारी कार्यालय तथा सार्वजनिक संस्थान, नीजि प्रतिष्ठानहरु तथा सार्वजनिक स्थलहरुमा कन्ट्याक्ट लेस हात धुने व्यबस्था मिलाउन आग्रह गर्नुभयो ।

नियमित रुपमा हात धुने बानीको बिकास गरे यसले कोरोना भाईरस संक्रमणबाट सुरक्षित रहन धेरै ठूलो काम गर्ने उहाँको भनाई छ ।

मन्त्रालयका खानेपानी महाशाखा प्रमुख ध्रुव धितालले कोरोना र अन्य जोखिम भएका स्थानहरु सरकारी कार्यालय, अस्पताल, विद्यालय, उद्योग कलकारखाना, सपिङमल, सिनेमा घर र अन्य ठाउँहरुमा साबुन पानीले हात धुने स्थानको व्यवस्था गर्न लागेको जानकारी दिनुभयो । उहाँले अझैपनि प्रदेश ५ का ग्रामिण क्षेत्रमा सवै घरमा साबुन पानीले हात धुने बानीको विकास नभैसकेको भन्दै ती स्थानमा चेतनामूलक कार्यक्रम सञ्चालन गरिने जानकारी समेत गराउनुभयो ।

कोरोना भाईरस (कोभिड–१९)को महामारी पछि प्रदेश पाँचमा साबुन पानीले हात धुनेहरुको संख्या ६ प्रतिशतले बढेको छ । स्वास्थ्य तथा सरसफाईको क्षेत्रमा अध्ययनको काम गर्ने युनिसेफले गरेको सर्वेक्षणले उक्त तथ्यांक सार्वजनिक गरेको हो ।

युनिसेफ नेपाल भैरहवाका वास अधिकृत राकेश मल्लीकका अनुसार त्यस अगाडी मिक्सले गरेको अध्ययनमा प्रदेश पाँचमा ९४ प्रतिशतले सावुन पानीले हात धुने गरेका थिए ।

त्यसमा पनि खाना खानु अंगाडी, खाना खाईसकेपछि, र सौच गर्नु पछाडी तथा आमाले बच्चालाई खाना खुवाउनु अंगाडी पछाडी मात्रै सावुन पानीले हात धुने गर्दथे ।

कोरोना महामारी पछि युनिसेफले गरेको अध्ययनले यो तथ्यांकमा केही बढोत्तरी भएको छ । त्यस्तै साबुन पानीले हात धुने क्रम पनि बढी देखिएको छ ।

युनिसेफले करिव ७ हजार जनामा अध्ययन गरेको र त्यसमध्ये ९० प्रतिशतले साबुन पानीले हात धुने गरेको उहाँले बताउनुभयो ।

नागरिक अनलाइन

लेखकबाट थप

• मंगलवार, आश्विन १३ २०७७०७:०७:०४

• Tags:

  # हात धुने अभियान

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन