बुटवल,भदौ २७। 

विवान फार्मेसी बुटवल र रोटरी क्लब अफ बुटवल चौतारीको संयुक्त आयोजनामा बुटवलमा एक दिने नि:शुल्क स्वास्थ्य शिविर सम्पन्न भएको छ । शनिवार सम्पन्न शिविरमा २ सय बढी बिरामीले लाभ लिएको फार्मेसीका प्रबन्ध निर्देशक दीपक ढकालले बताए ।

कोरोना महामारी बीच अस्पताल गई स्वास्थ्य जांच गराउन डराएका मानिसले नजिकैको स्वास्थ्य संस्थामा नि:शुल्क रुमा जांच गराई स्वास्थ्य लाभ गर्न सकुन् भन्ने उद्धेश्यले कार्यक्रम गरिएको उनले बताए ।

शिविरमा मधुमेह, उच्च रक्तचाप जांच संगै किड्नी, बालबालीका तथा रुघाखोक र ज्वरोका बिरामीका लागि चिकित्सककै सहभागितामा नि :शुल्क औषधी समेत वितरण गरिएको  रोटरी क्लब अफ बुटवल चौतारीका अध्यक्ष सुरज क्षेत्रीले बताए ।

उनले सामाजिक कार्यमा अग्रसर रहेको आफ्नो संस्थाले यसअघि मास्क अभियान सुरु गरी अहिले पनि निरन्तर मास्क वितरण गरिरहेको जनाए ।

शिविरमा लुम्बिनी प्रादेशिक अस्पतालका फिजिसियन डा नरेन्द्र प्रसाद यादव, देवदह मेडिकल कलेजका एम एस अर्थोपेडिक डा. सुन्दर कार्की, आयुर्वेद विशेषज्ञ डा. डि. के धिताल, दन्त रोग विशेषज्ञ डा. सुशिल पोख्रेल, मेडिकल अफिसरहरु डा. एन के अर्याल, डा. रविन्द्र अग्रहरि, डा. रोहित श्रेष्ठ, डा. रिसब सुवेदी लगायतले बिरामीको परिक्षण गरेका थिए ।

साथै औषधीको उचित प्रयोग र परामर्श बारे फार्मासिस्ट सुभेन्द्र प्रसाद यादव सहितको समुहले सहजीकरण गरेको थियो ।

नागरिक अनलाइन

लेखकबाट थप

• आइतवार, भाद्र २७ २०७८०४:२९:३८

• Tags:

  # विवान फार्मेसी # नि:शुल्क स्वास्थ्य शिविर # रोटरी क्लब अफ बुटवल चौतारी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा