बुधवार, भाद्र २३ २०७८

प्रतिनिधि छनोटमा मनाेमानी भएको भन्दै कांग्रेस क्षेत्रीय प्रतिनिधिका आकांक्षी गौतमको असन्तुष्टि

नागरिक अनलाइन

2.5K

प्रतिनिधि छनोटमा मनाेमानी भएको भन्दै कांग्रेस क्षेत्रीय प्रतिनिधिका आकांक्षी गौतमको असन्तुष्टि

बुटवल,भदौ २३।

नेपाली कांग्रेसको १४ औं महाधिवेशनका लागि प्रतिनिधि छनोटको विषयलाई लिएर तिलोत्तमा– ६ का क्षेत्रीय प्रतिनिधि आकांक्षी लक्ष्मण गौतमले असन्तुष्टि जनाएका छन् ।

बुधबार तिलोत्तमामा पत्रकार सम्मेलनको आयोजना गर्दै उनले कांग्रेसको विधानतः सहमति नभए निर्वाचन प्रक्रियामा जाने ब्यवस्था भए पनि ६ नम्बर वडामा सहमति विना नै एकाधिकार प्रयोग गर्दै क्षेत्रिय प्रतिनिधी छनोट गरिएको गौतमको आरोप छ ।

क्षेत्रीय प्रतिनिधिका लगि आफ्ना प्रस्तावक तथा समर्थकलाई स्थानीय केही युवाले धम्क्याउनुका साथै उमेद्वारीका लागि दिइएको फर्म समेत च्यात्ने काम भएको भन्दै गुनासाे गरे ।

पत्रकार सम्मेलन कांग्रेसको विरोध र अधिबेशनलाई रोक्न नभएर लोकतान्त्रिक तरिकाले अधिबेशन गराउनु पर्नेमा जोड रहेको उनले बताए ।

उनले सत्यतथ्य छानविन र नियमसँगत अघि बढ्नका लागि निर्वाचन समितिमा आफूले उजुरी दर्ता गरेको उनले बताए ।

तिलोत्तमा– ६ बाट महाधिवेशनका लागि २६ जना प्रतिनिधि छनोट भएका छन् । ३१३ जना कांग्रेस क्रियाशिल सदस्य रहेको यस वडामा निर्वाचन नगरी सहमतीय प्रणालीबाट प्रतिनिधि छनोट गरिएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)