शुक्रवार, आश्विन ९ २०७७

नेपालमा २४ घण्टामा ६ कोरोना संक्रमितको मृत्यु, कुल संक्रमितको संख्या ७०६१४

नागरिक अनलाइन

2.4K

नेपालमा २४ घण्टामा ६ कोरोना संक्रमितको मृत्यु, कुल संक्रमितको संख्या ७०६१४

बुटवल,असोज ९-

नेपालमा पछिल्लो २४ घण्टामा ६ कोरोना संक्रमितको मृत्यु भएको छ। यो सँगै नेपालमा कोरोना संक्रमित मृतकको संख्या ४ सय ५९ पुगेको स्वास्थ्य तथा जनसंख्या मन्त्रालयले जानकारी दिएको हो। ५ वटा जिल्लाका ३ महिला र ३ पुरुष गरी ६ जनाको मृत्यु भएको स्वास्थ्य तथा जनसंख्या मन्त्रालयले जनाएको छ।

मोरङमा ६० वर्षीया महिला र ५५ वर्षीय पुरुष, सप्तरीमा ७० वर्षीय पुरुष, ललितपुरमा ५१ वर्षीय पुरुष, काठमाडौंमा ७५ र कपिलवस्तुमा ७० वर्षीया महिलाको मृत्यु भएको छ। यसअघि बिहीबार नेपालमा १७ जना कोरोना संक्रमितको मृत्यु भएको थियो। नेपालमा कुल संक्रमितमध्ये मृत्यु हुने दर शून्य दशमलव ६५ प्रतिशत छ।

पछिल्लो २४ घण्टामा १ हजार ३१३ जनामा कोरोना भाइरसको संक्रमण पुष्टि भएको छ। योसँगै नेपालमा कुल संक्रमितको संख्या ७० हजार ६१४ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिएका हुन्।

मन्त्रालयका अनुसार ६ हजार ४ सय ६४ जना क्वारेन्टाइनमा छन्। संक्रिय संक्रमितको संख्या १८ हजार २ सय ८९ रहेको छ। यीमध्ये हाल १० हजार ५२ होम आइसोलेसनमा छन् भने ८ हजार २३७ जना संस्थागत आइसोलेसनमा छन्। पछिल्लो २४ घण्टामा १ हजार ४५५ निको भएका छन्। योसँगै ५१ हजार ८६६ जना निको भएको मन्त्रालयले जनाएको छ।

१ हजार ४ सय ५५ जना कोरोना संक्रमणमुक्त ,प्रदेश ५ मा ८०७३ जना निकाे :

नेपालमा एकातिर कोरोना संक्रमितको संख्या बढ्दै गइरहेपनि अर्काेतिर पछिल्लो २४ घण्टामा थप १ हजार ४ सय ५५ जना कोरोना संक्रमित संक्रमणमुक्त भएका छन्। देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।

यो सँगै नेपालमा ५१ हजार ८ सय ६६ जना संक्रमित उपचारपछि निको भएका छन्। मन्त्रालयका अनुसार आज १२ हजार २ सय ६२ जनाको पिसिआर परीक्षण भएको छ। यो सँगै ९ लाख ६८ सय हजार १ सय ८५ जनाको पिसिआर भएको मन्त्रालयले जनाएको छ।

मन्त्रालयका अनुसार ६ हजार ४ सय ६४ जना क्वारेन्टाइनमा छन्। संक्रिय संक्रमितको संख्या १८ हजार २ सय ८९ रहेको छ। प्रदेश १ मा ४७१७जना,प्रदेश २मा १२८७३ बाग्मती प्रदेशमा १३९१६,गण्डकी प्रदेशमा ३०२४ प्रदेश ५मा ८०७३,कर्णाली प्रदेशमा २८१८,सुदूरपश्चिम प्रदेशमा ६४४५ जना संक्रमण मुक्त भएका छन् ।