बुटवल, भदौ २ ।

सरकारको सिफारिसमा राष्ट्रपति विद्यादेवी भण्डारीबाट जारी भएको राजनीतिक दल सम्बन्धी (दोस्रो संसोधन) अध्‍यादेशप्रति मानव अधिकार तथा शान्ति समाजले आपत्ति जनाएको छ । समाजका केन्द्रीय महासचिव रामकृष्ण बरालले विज्ञप्ति जारी गर्दै आपत्ति जनाएका हुन् ।

विज्ञप्तिमा भनिएको छ,-‘प्रतिनिधिसभा अधिवेशन अकस्मात अन्त्य गरे लगत्तै सरकारले, राजनीतिक दलहरुको विभाजनलाई बढावा दिने गरि राजनीतिक दल सम्बन्धी (दोस्रो संसोधन) अध्यादेश जारी गर्न राष्ट्रपति समक्ष सिफारिस गरे पश्चात राष्ट्रपतिबाट यस सम्बन्धी अध्यादेश जारी भएकोप्रति मानव अधिकार तथा शान्ति समाजको गम्भीर ध्यानाकर्षण भएको छ ।’

यस्तै समाजले शेरबहादुर देउवा नेतृत्वको संयुक्त सरकारले पनि तत्कालीन प्रधानमन्त्री केपी ओलीको जस्तै गल्ती दोहोर्‍याउदै गरेको लोकतन्त्रको मर्म विरोधि काम गरेको भन्‍दै भ्रत्सना गरेको छ ।

‘२०७७ वैशाखमा तत्कालिन प्रधानमन्त्री केपी शर्मा ओली नेतृत्वको सरकारले राजनीतिक दल विभाजनका लागि अध्यादेश ल्याइ गल्ति गर्दा शान्ति समाजले गत वर्ष पनि त्यस्तो अध्यादेशलाई लोकतन्त्रको मर्म विरोधी क्रियाकलापको संज्ञा दिँदै निन्दा एवं भर्त्सना गरेको थियो भने अहिले शेरबहादुर देउवा नेतृत्वको संयुक्त सरकारले पनि सोही गल्ती दोहोर्याउदै गरेको लोकतन्त्रको मर्म विरोधी क्रियाकलापको शान्ति समाज निन्दा एवं भत्र्सना गर्दछ ।’ विज्ञप्तिमा भनिएको छ ।

नागरिक अनलाइन

लेखकबाट थप

• बुधवार, भाद्र २ २०७८०६:३०:५३

• Tags:

  # मानव अधिकार तथा शान्ति समाज # अध्यादेश # राजनीतिक दल सम्बन्धी अध्‍यादेश

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा