बुटवल,असोज ९- 

पूर्वपश्चिम राजमार्ग अन्तर्गत पूर्वी नवलपरासीको दाउन्नेमा पहिरोले एउटा बस पुरेकाे छ । बस पुरिदा एक जनाको मृत्यु भएको छ भने ७ जना घाइते भएका छन् । ना ५ ख ६९४० नं को बस बिहीबार रातीको पहिरोले पुरेकाे हाे ।अबरुद्ध सडक एकतर्फी रुपमा खुलेको छ ।  

मत्यु हुनेमा रुकुम पश्चिम आठबीसकोटका हरिषचन्द केसी रहेका छन् । बिहीबार राति ९ बजे उपचारको क्रममा पुरानो मेडिकल कलेज चितवनमा केसीको मृत्यु भएको जिल्ला प्रहरी कार्यालय नवलपुरका प्रहरी नायव उपरीक्षक मोहन बहादुर खाँणले बताए ।

प्रहरीका अनुसार पहिरोमा पुरिएर सल्यानको श्रीनगर गाउँपालिका निवासी २७ बर्षीया महिला प्रतिभा खड्का, सोही स्थानका १० बर्षीय प्रज्ञान बस्नेत, १६ बर्षीया खुमा बुढाथोकी, सल्यानको सिमखर्क गाउँपलिका ७ निवासी ३५ बर्षीय लोकबहादुर बस्नेत, रुकुमको मुसिकोट गाउँपालिका १ निवासी ३० बर्षीय रमेश खड्का र बाफिकोट गाउँपालिका ४ बस्ने २७ बर्षीया शिवा पुन गम्भीर घाइते भएका छन् । उनीहरुको टाउको, ढाड, छातीमा चोट लागेको छ ।

उनीहरुमध्ये ४ जना घाइतेको भरतपुर मेडिकल कजेज र अन्यको स्थानीय अस्पतालमा उपचार भैरहेको प्रहरीले जनाएको छ । बसमा १७ जना रहेका थिए ।

दाउन्नेको विश्वकर्मा बाबा मन्दिर नजिकै सडक माथिबाट पहिरो पन्छाएपछि एकतर्फी सडक खुलेको जिल्ला ट्राफिक कार्यालय पूर्वी नवलपरासीले जनाएको छ । ४० घण्टासम्म अवरुद्ध रहेको सडक शुक्रबार बिहान एकतर्फी खुलेको जिल्ला ट्राफिक प्रहरी कार्यालय पूर्वी नवलपरासीले जनाएको छ।

नागरिक अनलाइन

लेखकबाट थप

• शुक्रवार, आश्विन ९ २०७७०९:११:४०

• Tags:

  # पहिरो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन