बुधवार, श्रावण २७ २०७८

मुख्यमन्त्री पोखरेलले राजीनामा दिएपछि लुम्बिनीको विशेष अधिवेशन अन्त्य

नागरिक अनलाइन

2.5K

मुख्यमन्त्री पोखरेलले राजीनामा दिएपछि लुम्बिनीको विशेष अधिवेशन अन्त्य

बुटवल,साउन २७ ।

मुख्यमन्त्री शंकर पोखरेलले पदबाट राजीनामा दिएपछि लुम्बिनीको विशेष अधिवेशन अन्त्य गरिएको छ । बैठकको पहिलाे चरणमा नेपाली काँग्रेसका दलका नेता बिरेन्द्र कनाैडियाले बाेलेका थिए ।

विशेष अधिवेशनको बैठकमा मुख्यमन्त्री शंकर पोखरेलविरुद्ध अविश्वास प्रस्ताव पेश भएको छ । बैठकमा सत्ता पक्ष अनुपस्थित थियाे ।

sansad lumbini.jpg

नेपाली कांग्रेसका नेता विरेन्द्र कुमार कनौडियाले अविश्वास प्रस्ताव पेश गरेका हुन् । उनले सम्बोधनको क्रममा सत्ता पक्षका प्रदेशसभा सदस्य अनुपस्थित रहेकाले धेरै नबोल्ने भन्दै अविश्वास प्रस्ताव पेश गरे ।

लगत्तै एकघण्टाका लागि बैठक स्थगित गरिएको थियाे ।

दाेस्राेचरणको बैठकमा मुख्यमन्त्री शंकर पोखरेलले राजीनामा दिएको पत्रबारे जानकारी प्रदेशसभामा जानकारी गराइएको छ ।मुख्यमन्त्रीले राजीनामा दिएको जानकारी प्रदेश प्रमुखको कार्यालयबाट आएको पत्र सभामुख पूर्णबहादुर घर्तीले जानकारी गराए ।

अविश्वास प्रस्तावमाथि प्रदेशसभामा छलफल भइरहेका बेला मुख्यमन्त्री पोखरेलले राजीनामा दिएका थिए । अविश्वास प्रस्तावमाथि नेपाली कांग्रेस, नेकपा माओवादी केन्द्र, जनता समाजवादी पार्टी र राष्ट्रिय जनमोर्चाका सांसदले बोलेपछि मुख्यमन्त्रीको जवाफका लागि प्रदेशसभा बैठक स्थगित गरिएको थियो ।

राजीनामा पछि विशेष अधिवेशन अन्त्य गरिएको छ । यसबारेमा प्रदेश प्रमुखले अधिबेशन अन्त्य सम्बन्धि पत्र संसद सचिवालयलाइ पठाएपछि मात्रै अधिबेशन अन्त्य हुने कानुनी प्रकृया छ ।

राजीनामाबारे प्रदेश प्रमुखले प्रदेशसभामा पठाएको पत्र :