बुटवल,साउन २६ ।

लुम्बिनी वाणिज्य क्याम्पस बुटवलमा चार विद्यार्थी संगठनले तोडफोड गरेका छन् ।  नेपाल विद्यार्थी संघ, माओवादी केन्द्र र विप्लव निकट अखिल क्रान्तिकारी तथा अखिल छैठौंले संयुक्त रुपमा क्याम्पसको पुरानो भवनमा रहेका लेखा र परीक्षा शाखामा तोडफोड गरेका हुन् ।

त्रिभुवन विश्वविद्यालय अन्तर्गतको एमबीएस कार्यक्रम हटाएको विरोधमा उनीहरुले तोडफोड गरेका हुन् ।

यसअघि साउन ८ गते नै चार विद्यार्थी संगठनले एमबीएस कार्यक्रम नहटाउन माग गर्दै क्याम्पस प्रमुखको कार्यकक्षमा तालाबन्दी गरेका थिए । तर क्याम्पसले एमबीएसको सट्टा एमबीएस एफ र एमबीए एमएफ कार्यक्रममा भर्ना खोलेपछि विद्यार्थी आन्दोलित भएका हुन् ।

एमबीएस एफ र एमबीए एमएफ कार्यक्रम क्याम्पसले स्वायत्त ढंगले सञ्चालन गर्ने र शुल्क चार गुणा महँगो भएकाले गरीब तथा विपन्न वर्गका विद्यार्थीका लागि एमबीएस कार्यक्रमलाई नै निरन्तरता दिन माग गरिएको नेविसंघ क्याम्पस समितिका उपसभापति अशोक गौतमले बताए ।

निजी क्याम्पसले एमबीएस कार्यक्रमलाई निरन्तरता दिएकाले उनीहरुलाई फाइदा पुर्याउने गरी हटाइएको उनले बताए ।

• एमबिएसको फाराम खुलाउन २४ घण्टे अल्टिमेटमसहित लुम्बिनी वाणिज्य क्याम्पसमा तालाबन्दी
• लुम्बिनी वाणिज्यमा एमबीएस र बीबीएस हटाउने निर्णयप्रति विद्यार्थी संगठनहरुले चर्काए संयुक्त आन्दोलन

नागरिक अनलाइन

लेखकबाट थप

• मंगलवार, श्रावण २६ २०७८१२:१८:५५

• Tags:

  # लुम्बिनी बाणिज्य क्याम्पस # आन्दाेलन # ताेडफाेड # संयुक्त विद्यार्थी संगठन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा