बुटवल,साउन २१ ।

लुम्बिनी प्रदेशका मुख्यमन्त्री शंकर पोखरेल सरकारी निवासमा प्रदेश सांसद विमला खत्री वलीलाइ ५ दिन बन्धक बनाएको पुष्टी भएको छ। नेकपा माओवादी केन्द्रको संसदीय दलको कार्यालय बुटवलमा बिहीबार पत्रकार सम्मेलन गरी सांसद वलीले आफूलाई १५ साउनदेखि २० गतेसम्म मुख्यमन्त्रीको निवासमा बन्दी बनाइएको पुष्टी गरिन् ।

यसबारेमा सबैभन्दा पहिले नागरिक अनलाइनमा समाचार ब्रेक गरिएको थियो ।मेराे बदनाम गर्न एमालेमा फर्किएँ भनेर जबरजस्ती ३ ठाँउमा हस्ताक्षर गराएर साउन १९ गते एमालेले विज्ञप्ति जारी गराएको बताइन् ।

एमाले प्रमुख सचेतक ढकाल गाडीकाण्डदेखि सांसद‘अपहरण’सम्म सक्रिय !

नेकपा एमाले प्रमुख सचेतक भूभिश्वर ढकाल र नेता मानबहादुर राउत तुलसीपुरस्थित आफ्नो घरमा पुगेको उनले बताएकी छन् ।उनीहरुले एमालेमा आउन दबाव दिएको, तर आफूले यसअघि नै इन्कार गरेको बताइन् ।

एमाले प्रमुख सचेतक ढकाल यसअघि प्रदेशसभाका लागि  गाडी खरिदको अनियमिततामा पनि मुछिएका थिए । उनै ढकालले ‘हामी पनि नेपालगञ्ज जाने हो,सँगै जाऔं’ भनेर घरबाटै लगे,विश्वास गरेर गाडीमा बसें ।’बिमलाले पत्रकार सम्मलेलनमा भावुक हुँदै भनिन् ।

तुलसीपुरबाट अमिलिया आएपछि नेपालगञ्जतिर जानुपर्नेमा गाडी एक्कासी बुटवलतिर मोडेको भन्दै उनले भनिन्, ‘मैले यसो किन गर्नुभयो भनेर लगातार प्रतिवाद गरिरहें । उहाँहरुले एक पटक मुख्यमन्त्रीलाई भेट्नुपर्यो भनेर गाडी नरोकी एकैपटक मुख्यमन्त्री निवासमा पुर्याइयो ।’

मुख्यमन्त्रीको बिमलालाइ अफर एमालेमा आउनुस्,मन्त्री बन्नुस् !

आफूले गत १९ वैशाखमै पत्रकार सम्मेलन गरेर नेकपा माओवादी केन्द्र रोजेको जानकारी गराएको भन्दै उनले भनिन्, ‘म माओवादी केन्द्र हो, माओवादीमै रहन्छु ।’ मुख्यमन्त्री पोखरेलले पहिला गल्ती भयो,अब त्यस्तो हुँदैन ।

एमालेमा आउनुस्, मन्त्री बन्नुस् भनेर प्रलोभन देखाएको प्रदेशसभा सदस्य वलीले बताएकी छन् । उनले अघि भनिन्, ‘मैले निरन्तर इन्कार गरिरहें । साउन १६, १७ र १८ गतेसम्म मुख्यमन्त्री निवासबाट बाहिर निस्कनै नदिई दबाब दिइरह्यो ।’

तीनवटा माइन्युटमा जबरजस्ती हस्ताक्षर गराए :

मुख्यमन्त्री निवासमै जबरजस्ती विज्ञप्तिमा हस्ताक्षर गर्न लगाएको र अन्य तीनवटा माइन्युटमा पनि आफूलाई हस्ताक्षर गराएको बताइन् ।  त्यसपछि पनि आफूलाई बाहिर आउन नदिएको भन्दै उनले भनिन्, ‘अब घर जान दिन्छन् र बाहिर गएर खण्डन गर्छु भन्ने सोचेको थिएँ तर अझ कडाइका साउन १९ गतेदेखि मुख्यमन्त्री निवासभित्रै राखियो ।’

आफूलाई मुख्यमन्त्री निवासमा सांसद सरस्वती गौतमसँगै राखेको उनले बताइन्। उनको अनुहार मलिन र तनावपूर्ण देखिन्थ्यो ।बिमलाका अनुसार २० गते उनी मुख्यमन्त्री निवासबाट भाग्न सफल भएकी थिइन् । ‘भाग्ने त पहिल्यै प्लान गरेको थिएँ । कमला विक माननीयले घर जान्छु भन्नुभयो, मैले हुन्छ भनें ।’

इरिक्सामा माओवादी केन्द्र संसदीय दलको कार्यालयसम्म :

त्यही बेला कसैलाई नदेखेपछि भागेर इरिक्सामा माओवादी केन्द्रको संसदीय दलको कार्यालयमा भागेर आएको उनले बताइन् ।

आफ्नो सेण्डिल लगाउँदा हिडेको आवाज आउने भएपछि त्यहीको शौचालयको चप्पल लगाएर माओवादी केन्द्रको संसदीय दलको कार्यालयमा आएको उनले बताइन् । उनले कपडा र ब्याग अहिलेपनि मुख्यमन्त्री पोखरेल सरकारी निवासमा रहेको बताइन् । तर उनले कानुनी उपचार खाेज्नेबारेमा अहिल्लै केहि तयारी नभएको बताइन् ।

बिमलाको प्रेस बिज्ञप्ति बाचन भने नेकपा माओवादी केन्द्रका प्रमुख सचेतक तुलाराम घर्ती मगर बसन्तले गरेका थिए । 

हेराैँ यी खबरहरु :- 

• ‘सम्पर्कविहीन’ भनिएकी प्रदेश सांसद बिमला वली मुख्यमन्त्री पाेखरेलको निवासमा ‘बन्धक’ !
• ‘बन्धक’ बनाइएकी लुम्बिनीकी सांसद बिमला माओवादी केन्द्रको सम्पर्कमा,आज अवस्था सार्वजनिक गरिँदै
• विमला खत्रीले भनिन्- मैले आफ्नै इच्छा/चाहानाले माओवादी राेजेँ,अपहरण भनेर हल्ला चलाइँएछ’ 
• दाङबाट उपचुनाव जितेकी सांसद बिमला वली माओवादीमा प्रवेश,मुख्यमन्त्री पोखरेलको बहुमत गुम्यो ! [पत्रसहित]
• सांसद बिमलाओलीको बिज्ञप्ती :‘ माओवादी रोज्ने कुरा कानुनी रूपमा ठिक नभएकोले एमालेमै छु’
• सांसद विमला वलीको बयान :‘मुख्यमन्त्री निवासमा ५ दिन बन्धक बनाइयो,शौचालयको चप्पलमै भागें’
• 
• लाइभ भिडियाे हेराैँ - https://www.facebook.com/nagarikonline/videos/250323616711579
• https://www.facebook.com/nagarikonline/videos/607419310243319

कपिल ज्ञवाली

डेढ दशकदेखि बुटवलमा रहेर पत्रकारितामा सक्रिय ज्ञवाली नागरिक अनलाइन डटकमका संस्थापक र चिफ एडिटर हुन् ।

लेखकबाट थप

• बिहिवार, श्रावण २१ २०७८०१:४७:५२

• Tags:

  # बन्धक # विमला वली # लुम्बिनी प्रदेश # सांसद विमला वली # मुख्यमन्त्री शंकर पोखरेल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा