सुरज ज्ञवाली /चितवन,साउन २० ।

चितवनको भरतपुर महानगरपालिकाले माध्यमिक तह एसइइको नतिजा प्रकाशित नभएसम्म कक्षा ११ विद्यार्थी भर्ना नगर्न आग्रह गरेको छ ।

माध्यमिक तह उत्तीर्ण परीक्षा एसइइको नतिजा प्रकाशन नहुँदै अहिले नै कक्षा ११ मा विद्यार्थी भर्ना  हुन थालेपछि भर्ना नगर्न सबै सामुदायिक तथा संस्थागत विद्यालयहरुलाई शैक्षिक प्रशासन महाशाखाले आग्रह गरेको हो छ ।

महाशाखाले एक सूचना जारी गर्दै केही विद्यालयहरुले कक्षा ११ को भर्ना सुरु गरिसकेको अभिभावकहरुको गुनासो आएकोले एस इ इ को नतिजा प्रकाशित नभएसम्म भर्ना नगर्न आग्रह गरेको जनाएको छ ।

नतिजा नै प्रकाशित नभइ विद्यार्थी भर्ना गर्न नपाइने भएपनि केही विद्यालयहरुले कक्षा ११ को भर्ना सञ्चालन गरेको भन्दै नगर शिक्षा समितिले निर्णय गरी नतिजापूर्व भर्ना लिएमा कानुन बमोजिम कारवाही गरिने समेत महाशाखाले जनाएको छ ।नगर शिक्षा अधिकारी महेन्द्रप्रसाद पौड्याल र नगर शिक्षा समिति सहितको टोलीले आज स्थलगत अनुगमन गरी केही विद्यालयहरुलाई स्पष्टीकरण समेत सोधेको छ । 

अनुगमनका क्रममा रजिष्ट्रेशन तथा सिट सुरक्षित गर्ने नाममा नतिजा अगाडि नै कक्षा ११ को भर्ना गरेको पाइएको हो ।साउनको अन्तिम साता एस इ इ को नतिजा प्रकाशन गर्ने तयारी राष्ट्रिय परीक्षा बोर्डको तयारी रहेपनि विद्यालयहरू बिचको अस्वस्थ प्रतिस्पर्धाको मारमा बिद्यार्थी परेका छन्  ।

नागरिक अनलाइन

लेखकबाट थप

• बुधवार, श्रावण २० २०७८०४:५८:४२

• Tags:

  # कक्षा ११ मा विद्यार्थी भर्ना # चितवन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा