बुटवल,साउन १२-

लुम्बिनी प्रदेशका मुख्यमन्त्री शंकर पोखरेलले विश्वासको मत लिने भएका छन् ।

मुख्यमन्त्रीले विपक्षीको माग अनुसार छिटै प्रदेशसभाबाट विश्वासको मत लिने सरकारका प्रवक्ता वैजनाथ चौधरीले बताएका छन । आज मन्त्रिपरिषद्को बैठकपछि पत्रकारहरुसँग बोल्दै उनले विश्वासको मत लिने मिति भने टुंगो नभएको बताएका हुन ।

‘विपक्षी गठबन्धनले वैधानिकताबारे धेरै प्रश्न उठाउनुभयो । त्यसैले अब छिट्टै मुख्यमन्त्रीले विश्वासको मत लिनुहुनेछ,’ प्रवक्ता चौधरीले भने, ‘हामी छिटै विश्वासको मत लिन्छौं । मत पाए सरकार चलाउछौं । नत्र छोडिदिन्छौं ।’

गत वैशाख १९ मा सरकार गठनका बेला लुम्बिनी प्रदेशसभामा रहेका ८१ सदस्यमध्ये एमालेका मात्र ४१ सांसद देखाएर मुख्यमन्त्रीमा पोखरेलले संविधानको धारा १६८ को उपधारा १ अनुसार शपथ लिएका थिए ।

अहिले एमालेका ३८ र जसपाका ३ गरी ४१ सदस्यको समर्थनमा सरकार टिकेको छ । विपक्षी गठबन्धनमा पनि ४१ सदस्य नै रहेका छन् ।

संङ्घीय सरकारले प्रदेश प्रमुख फेर्ने तयारी गरेको र जसपा विवाद सकिएकाले सरकारमा रहेकाहरू थप तनावमा परेका छन् ।

लुम्बिनीमा अमिक शेरचन र गण्डकीमा पृथ्वीमान गुरुङ प्रदेश प्रमुख नियुक्त

नागरिक अनलाइन

लेखकबाट थप

• मंगलवार, श्रावण १२ २०७८०४:२०:५६

• Tags:

  # मुख्यमन्त्री शंकर पोखरेल # सरकार अल्पमतमा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा