बुटवल,साउन ९-  

नेपाली राष्ट्रिय फुटबल टिमले वालिङ नगरपालिका टिमकी स्ट्राइकर शान्ता नेपालीलाई एक लाख रुपैयाँ सहयोग गरेको छ ।  साफ च्याम्पियनसिपको तयारीमा रहेको नेपाली टिमले एक लाख रुपैयाँ सहयोग गरेको हो ।

नेपाली टिमका मुख्य प्रशिक्षक अब्दुल्लाह अल्मुताइरीको सहयोगमा नेपाली टिमका खेलाडीहरुले उक्त सहयोग रकम नेप्लेज डटकमका सम्पादक मुक्तिबाबु रेग्मीलाई हस्तान्तरण गरेका हुन् ।

राष्ट्रिय टिम बसेकै होटेलमा नेपाली खेलाडी विकेश कुथु र सुुमन अर्यालले रेग्मीलाई सहयोग रकम हस्तान्तरण गरेका थिए । सो अबसरमा कुथुले नेप्लेजको युट्युव च्यानलमा शान्ताको कथा हेरेपछि आफू भावुक भएको बताए ।

खेलाडीहरुलाई खेल्ने वातावरण मिलाउनका लागि सक्दो सबैले सहयोग गर्दा देशलेनै उत्कृष्ट खेलाडी पाउने विश्वास व्यक्त गरे । उनले आफूहरुले गरेको सहयोग शान्ताको हातमा पु¥याई दिन पनि अनुरोध गरेका थिए ।

सो अबसरमा सम्पादक रेग्मीले अहिले विभिन्न ठाउँबाट सहयोग गर्नेहरुले सम्पर्क गरिरहेको जानकारी दिँदै नेपाली टिमले गरेको सहयोग सम्बन्धित व्यक्तिकै हातमा पु¥याउने प्रतिवद्धता जनाएका थिए ।

नेप्लेज डटकमले शान्ताको परिवारलाई आर्थिक सहयोग गर्ने उद्देश्यले सामाजिक सञ्जालमा सहयोग गर्न अपिल गर्दै भिडियो पोस्ट गरेपछि अहिलेसम्म अस्ट्रेलिया बस्ने भैरहवाका मुकुल क्षेत्रीले ५० हजार तीन सय रुपैयाँ पठाएका छन् ।

विगतमा आफू पनि फुटबल खेलाडी रहेको बताउँदै क्षेत्रीले नेपाली खेलाडीको अवस्थाबारे जानकार रहेको बताउँदै आगामी दिनमा पनि सहयोग गर्न आफू तयार रहेको बताए ।

यसैगरी स्यान्सु भुसालले ५ हजार सहयोग गरेका छन् । अहिले पनि सहयोग गर्नका लागि सम्पर्क गर्नेहरुको संख्या बढेको छ । अहिले देश विदेशबाट शान्ताको भिडियो हेरेपछि सहयोग गर्नेहरुले निरन्तर सम्पर्क गरिरहेको र उनीहरुले पठाउने क्रम पनि जारी रहेको छ । 

नागरिक अनलाइन

लेखकबाट थप

• शनिवार, श्रावण ९ २०७८०८:३४:२५

• Tags:

  # शान्ता नेपाली # सहयोग

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा