बुटवल,साउन ६-

बुटवलमा क्रियाशील तीन पत्रकार सम्मानित भएका छन् । इनरह्वील क्लव अफ बुटवल मिडटाउनले पत्रकारहरु कल्पना डुम्रे,अस्मिना पाण्डे र पूजा पन्थीलाइ नगदसहित सम्मान गरेको हो । 

क्लवको गरिमा र महिमा उच्च राख्न सहयोग गरेको र समाज परिवर्तनमा उल्लेख्य योगदान पुर्याएको भन्दै उनीहरुलाइ सम्मान गरिएको क्लवका अध्यक्ष मिठ्ठु टण्डन भण्डारीले जानकारी दिइन् । उनीहरुलाई आज बुटवलमा आयोजित क्लवको पदस्थापन समारोहमा नगद,कदरपत्र र दोसल्लासहित सम्मान गरिएको हो ।

डुम्रे नागरिक अनलाइन,बुद्ध टेलिभिजन तथा रेडियो जागरण,पाण्डे रेडियो मुक्ति र लुम्बिनी टिभी तथा पन्थी दैनिक पत्र र पहिलो पोष्टमा कार्यरत छन् ।

क्लवका अध्यक्ष मिठ्ठु टण्डन भण्डारी,प्रमुख अतिथि संस्थापक अध्यक्ष आशा श्रेष्ठ तथा संयोजक प्रभा अर्यालले सम्मान गरेका थिए ।

अध्यक्षमा सरस्वती ढुंगाना चयन :

क्लवको बर्ष २०२१-०२२ का लागि नयाँ अध्यक्षमा सरस्वती ढुंगाना चयन भएकी छन् । आइपीपीमा मिठ्ठु टण्डन भण्डारी,भिपीमा प्रभा अर्याल,सचिवमा देवी न्याैपाने,काेषाध्यक्षमा शान्ता भण्डारी,आइएसओ सुमित्रा न्याैपाने ,इडिटरमा सुशीला पाेखरेल ,एक्जुकेटीभ मेम्बरमा जमुना श्रेष्ठ र शिव राना रहेका छन् । त्यस्तै जाेइन्ट सेक्रेटरीमा गिता खनाल ,जाेइन्ट काेषाध्यक्षमा सबिता सुनार चयन भएका छन् ।

क्लवका अध्यक्ष मिठ्ठु टण्डन भण्डारीको अध्यक्षतामा भएको कार्यक्रममा प्रमुख अतिथि संस्थापक अध्यक्ष आशा श्रेष्ठ,बाणिज्य क्याम्पस प्रमुख तारा उपाध्याय,जगत पाैडेल,मानव अधिकार तथा शान्ति समाज रुपन्देहीका सभापति डीपी खनाल लगायतले बाेल्दै क्लवको सक्रियताको प्रशंसा गर्दै निरन्तरताको कामना गरेका थिए ।

• इनरह्वील क्लव अफ बुटवल मिडटाउनको अध्यक्षमा ढुंगाना चयन

नागरिक अनलाइन

लेखकबाट थप

• बुधवार, श्रावण ६ २०७८०६:४२:३९

• Tags:

  # इनरव्हिल क्लव  अफ मिडटाउन बुटवल # पत्रकार सम्मान

• प्रतिशोधको भावना नलिई संयमता अपनाउन प्रधानमन्त्रीको आग्रह

• राष्ट्रपति पौडेलले बोलाएपछि शीतलनिवास पुगे प्रधानमन्त्री,के-के भयो छलफल ?

• बुटवलका १२ राजनीतिक दलले गरे सामाजिक सद्भाव कायम राख्न संयुक्त अपिल

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)