बुटवल,साउन ४-

आज साउन महिनाको पहिलाे सोमबार । हिन्दुहरुको धार्मिकस्थलहरुमा बिहानैदेखि भक्तजनहरुको भीड लागेको छ ।  कोरोनाभाइरस महामारीबीच पनि भक्तजनहरुको भीड उल्लेख्य रहेको छ ।

सूर्य मिथुन राशिबाट कर्कट राशिमा प्रवेश गरेर दक्षिणायन शुरु भएको महिना साउन भगवान् शिवको प्रिय महिना मानिन्छ । भगवान् शिवले सूर्य र चन्द्र दुवैलाई धारण गरेकाले चन्द्रशेखर पनि भनिन्छ । चन्द्रशेखर भगवान् शिवका हजार नाममध्ये एक हो ।

बुटवल १२ नयाँगाउँमा रहेको मुक्तिनाथधाममा बिहानैदेखि श्रद्धालुहरुको भीड लागेको छ । धाममा बिधिपूर्वक आरती,जलार्पण, रुद्राभिषेक, भजनकृतन गरिने भएकाले श्रद्धालुहरुको भीड बढेको धामका प्रमुख संरक्षक स्वामी लाेकानन्दले बताउनुभयाे ।

उहाँले भाैतिक दुरी कायम गरेरै धाममा पूजापाठको ब्यबस्था मिलाइएको जानकारी दिनुभयाे ।

भगवान् शिवको प्रिय महिना साउन र बार सोमबार भएकाले यस दिन व्रत गरी पूजाआजा गर्ने एवं नदी, ताल, तलाउलगायत पवित्र तीर्थस्थलबाट जल ल्याएर चढाउने परम्परा रहेको छ ।  यसो गरेमा मनोकांक्षा पूरा हुने धार्मिक विश्वास छ ।

साउने सोमबारको व्रत दाम्पत्य जीवन, पारिवारिक एवं सन्तान र परिवारको कल्याण तथा सुख शान्तिका लागि पुरुष महिला दुवैले गर्नुपर्ने शास्त्रीय वचन रहेको छ ।

मानव शरीर पृथ्वी, जल, तेज, वायु र आकाश गरी पञ्चत्वले बनेको छ । यसमध्येमा पृथ्वी तत्व शरीरमा धेरै हुन्छ । यसैले पृथ्वीमा हरियाली छाएका बेला मानिसले पनि हरियो पहिरन लगाएर साउने सोमबार मनाउने गर्छन् । यसो गरेमा प्रकृतिसँगको तादात्म्यता प्राप्त हुने धार्मिक विश्वाससमेत छ ।

नागरिक अनलाइन

लेखकबाट थप

• सोमवार, श्रावण ४ २०७८१२:४१:३६

• Tags:

  # नयाँगाउँ # मठ-मन्दिर # मुक्तिनाथ धाम # साउने साेमबार # श्रावणीमेला # जलार्पण

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...