बुटवल,असाेज ६- 

नेपाल मार्शल आर्ट हाप्किडो संघका केन्द्रिय पदाधिकारीको टोलीले प्रदेश ५ का मुख्यमन्त्रीसंग भेटघाट तथा छलफल गरेको छ ।

सो अबसरमा बोल्दै  मुख्यमन्त्री शंकर पोखरेलले खेलकुदको विकास र संरक्षणको लागि प्रदेश सरकारले खेल आवद्ध संघ संस्थाहरुसगै मिलेर काम गर्ने र खेलकुदको विकासको लागि प्रतिवद्ध रहेको बताउनु भएको छ ।

मुख्यमन्त्री पोखरेलले युवाहरुको चाहाना र राष्ट्रको पहिचानका लागि खेलको विकास जरुरी रहेको बताउदै त्यसमा प्रदेश सरकार सहकार्य गरेर अगाडी बढ्ने प्रतिवद्धता व्यक्त गर्नुभयो । 

सो अवसरमा नेपाल मार्शल आर्ट हाप्किडो संघका केन्द्रीय अध्यक्ष कालीबहादुर घर्तीमगरले नेपालमा हप्किडो मार्शल आर्ट खेल भर्खर मात्र खेलिन थालिएको र मान्यता प्राप्त गरेको खेल भएका कारण यसको विकास गरेर लैजान बढी महेनत गर्नु परेको बताउनुभयो । 
उहाले खेलकुदको विकासका लागि पूर्वाधार क्षेत्रको विकासमा ध्यान दिनु जरुरी रहेको बताउदै यस प्रदेशमा हाप्किडो खेलसहित सबै खेलको विकास र संरक्षणका लागि सहकार्यमा जोड दिनु भयो । 

सो अवसरमा नेपाल मार्शल आर्ट हाप्किडो संघका केन्द्रीय अध्यक्ष कालीबहादुर घर्तीमगरले नेपालमा हप्किडो मार्शल आर्ट खेल भर्खर मात्र खेलिन थालिएको र मान्यता प्राप्त गरेको खेल भएका कारण यसको विकास गरेर लैजान बढी महेनत गर्नुपरेको बताउनु भयो ।

अध्यक्ष धर्तीले हाप्किडो संघको पहलमा केन्द्र तथा प्रदेशस्तरिय सेमिनार एंव प्रतियोगिता गर्दै आएको अवस्थामा कोरोनाका कारण पछिल्लो ६ महिना कुनै औपचारिक गतिविधि गर्न नपाउदा खेलको विकासमा बाधा उत्पन्न भएको गुनासो गर्नुभयो । 

उहाले नेपाल मार्सल आर्टस हाप्किडो संघ, प्रदेश ५  र नेपाल मार्शल आर्टस् हाप्किडो संघको आयोजनामा २०७६ चैतमा प्रथम लुम्बिनी मार्शल आर्टस् हाप्किडो खुल्ला राष्ट्रिय च्याम्पियनसिप प्रतियोगिता आयोजना गर्ने तयारी गरेकोमा कोरोनाका कारण स्थगित गर्नु परेको जानकारी गराउदै त्यसलाई अनुकुल समयमा छिटै आयोजना गर्ने सोंच बनाएको हुदा प्रदेश सरकारका तर्फबाट आवश्यक सहयोगका लागि मुख्यमन्त्रीसंग आग्रह गर्नु भएको थियो ।

संघले चैतको २४, २५ र २६ गते राष्ट्रिय स्तरको प्रतियोगिता बुटवलमा गर्न लागेको घोषणा गरेको थियो । प्रतियोगितामा महिला र पुरुष तर्फ २५ देखि ७० केजीसम्मका प्रतिस्पर्धाहरु हुने र करिव ५ सय खेलाडी सहभागी हुने अनुमान थियो । तर कोरोनाका कारण अन्तिम समयमा प्रतियोगिता स्थगित गर्नु परेको थियो ।

संघले रोल्पामा शहीद स्मृति मार्सल आर्ट्स हाप्किडो प्रथम राष्ट्रिय च्याप्यिनसिप तथा पोखरामा अन्तर्राष्ट्रिय सेमिनार गरेको केन्द्रीय महासचिव सम्भव बीसीले जानकारी दिए ।उक्त अवसरमा संघका केन्द्रीय अध्यक्ष घर्तीले मुख्यमन्त्री पोखरेललाई संघले प्रकाशन गरेको हप्किडो म्याग्जीन हस्तान्तरण गर्नु भएको थियो । 

सो म्याग्जीनमा संघले आयोजना गरेका प्रतियोगिता र अन्य गतिविधिहरु समावेश गरिएको छ । संघले सो म्याग्जीन प्रदेशसभाका सभामुख पूर्णबहादुर घर्ती तथा समाजिक विकास मन्त्री सुर्दशन वराललाई छुट्टाछुटै भेटगरी हस्तान्तरण गरेको थियो । 

नागरिक अनलाइन

लेखकबाट थप

• मंगलवार, आश्विन ६ २०७७०६:३२:२१

• Tags:

  # मार्शल आर्ट हाप्किडो संघ # हाप्किडो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन