बुटवल,साउन १- 

लुम्बिनी प्रदेशका विपक्षी गठबन्धन (चारदल)ले मुख्यमन्त्री शंकर पोखरेलको राजीनामा माग्दा माग्दै हैरान परेका छन् ।   उनीहरूले मागेको राजीनामा भने सजिलै आउने कुनै छाटँकाटँ छैन बरू बिपक्षीदल र संसद छलेरै भएपनि शासन लम्बाउने दाउमा मुख्यमन्त्री पोखरेल लागिरहेका छन् ।

प्रदेश सरकारले आज अध्यादेशमार्फत बजेट जारी गरेपछि रुष्ठ भएको विपक्षी गठबन्धनले बलजफ्ती, निरङ्कुश र स्वेच्छाचारी ढंगले सरकार सञ्चालन गर्नुको सट्टा मुख्यमन्त्रीले तत्काल राजीनामा दिनुपर्ने बताएको छ । 

प्रदेश सभामा पेश भएको बजेटमाथिको छलफलपछि निर्णयार्थ पेश गर्न लाग्दा पास नहुने देखेपछि हठात् मानसिकताबाट ग्रसित भई अधिवेशनको अन्त्य गरेर सोझै अध्यादेशबाट बजेट ल्याउने कार्य असंवैधानिक, अलोकतान्त्रिक र स्वेच्छाचारी कदमु रहेको विपक्षी गठबन्धनको ठहर छ । 

‘अध्यादेशबाट बजेट ल्याई बलजफ्ती निरङ्कुश र स्वेच्छाचारी ढंगले सरकार सञ्चालन गर्नुको सट्टा मुख्यमन्त्रीले तत्काल राजीनामा दिई संसदीय परम्परा अनुसार बजेट पारित गर्न जोडदार माग आह्वान गर्दछौं ।’-भनिएको छ ।

नेपाली कांग्रेसका दलका नेता वीरेन्द्र कानोडीया, नेकपा माओवादी केन्द्रका दलका नेता कुलप्रसाद केसी, जनता समाजवादी पार्टी नेपालका दलका नेता सहस्राम यादव र राष्ट्रिय जनमोर्चाका दलका नेता तारा जिसीद्वारा हस्ताक्षरित विज्ञप्तीमा भनिएको छ-यस परिघटनाले पोखरेलको नेतृत्वको लुम्बिनी प्रदेश सरकार असंवैधानिक र अल्पमतको सरकार हो भन्ने प्रमाणित गर्दछ ।

यी खबरहरू पनि पढाैँ :-

• लुम्बिनी प्रदेशसभामा सत्तारुढ सांसदले संसद छाडेर भागेपछि बैठक स्थगित

• लुम्बिनी प्रदेशसभामा सत्तारुढ सांसदको ‘तमासा’, संसद बहिस्कार,बजेट अलपत्र !

• लुम्बिनी प्रदेशमा बजेट : सदनमा फेल हुने भएपछि अध्यादेशबाट ल्याइयो

नागरिक अनलाइन

लेखकबाट थप

• शुक्रवार, श्रावण १ २०७८०४:२९:५३

• Tags:

  # लुम्बिनी प्रदेश # राजीनामा # मुख्यमन्त्री शंकर पोखरेल # विपक्षी गठबन्धन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा