बुटवल,असार २४-

लुम्बिनी प्रदेश सरकारबाट ४ पत्रकार पुरस्कृत भएका छन् । कोरोना संक्रमणबाट मृत्युभएका पत्रकार चौधरीलाई मरणाेपरान्त सिर्जनशिल पत्रकारिता पुरस्कार–२०७७ बाट सम्मान गरेको छ ।

मुख्यमन्त्री कार्यालय बुटवलमा विहिबार एक कार्यक्रमको आयोजना गरी चौधरीको नाममा श्रीमती उदयदेवि कँवरलाई नगद ५० हजार बराबरको पुरस्कार राशी प्रदान गरिएको छ ।

यसैगरी दाङका पत्रकार शुशिल गौतम अग्रज पत्रकारिता पुरस्कार–२०७७ बाट सम्मानित भएका छन् । ६७ वर्षीय गौतमलाई नगद एक लाख पुरस्कार राशीसहित सम्मान गरिएको हो । सिर्जनशिल पत्रकारीता पुरस्कारबाट बाँकैकी महिला पत्रकार अक्षरी पोखरेल र गुल्मीका पत्रकार जनार्दन घिमिरे सम्मानित भएका छन् ।

उनीहरुले जनही ५० नगद राशी प्राप्त गरे । लुम्बिनी प्रदेशका प्रवक्ता तथा आर्थिक मामिला तथा योजना मन्त्री बैजनाथ चौधरी र आन्तरिक मामिला तथा कानून मन्त्री चेतनारायण आचार्यले पत्रकारहरुलाई नगद राशीसहित प्रमाणपत्र र दोसल्लाले सम्मान गरे ।

सम्मानित भएपछि बोल्दै अग्रज पत्रकार शुशील गौतमले प्रेस स्वतन्त्रताप्रति आफ्नो अविछिन्न आस्था रहने स्पष्ट पार्दै सम्मानले थप जिम्मेवारी बढेको उल्लेख गरे । अक्षरी पोखरेलले आफूमा थप जिम्मेवारी आइलागेको उल्लेख गरिन् । प्रदेश सरकारले पुरस्कार वितरणका लागि रुपन्देहीका पत्रकार डिआर घिमिरेको संयोजकत्वमा विमला चौधरी र केवि घिमिरे सदस्य रहने गरी ३ सदस्यीय छनोट समितिलाई जिम्मा दिएको थियो ।

साे अवसरमा बाेल्दै आर्थिक मामिला तथा योजना मन्त्री बैजनाथ चौधरीले प्रेस स्वतन्त्रतालाई कुण्ठित गर्ने पक्षमा प्रदेश सरकार नरहेको तथा केही कमजोरीहरु छन् भने पनि त्यसलाई सच्याउन तयार रहेको उल्लेख गरे ।

 आन्तरिक मामिला तथा कानून मन्त्री चेतनारायण आचार्यले सञ्चार विधेयकमा भएका मजोरीहरु सच्याउनका लागि सरकार तयार हुँदाहुँदै पनि दिगभ्रमित पारेर विरोधमा उत्रिएकोप्रति आक्रोस व्यक्त गरे ।

नागरिक अनलाइन

लेखकबाट थप

• बिहिवार, आषाढ २४ २०७८०७:५२:०४

• Tags:

  # पत्रकार पुरस्कृत # लुम्बिनी प्रदेश # लुम्बिनी प्रदेश सरकार

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन