बुटवल,असार १६- 

१८ औँ राष्ट्रिय धान दिवसको अवसरमा रुपन्देहीको उद्यमशिल टोल विकास संस्था, तिलोत्तमा १० मा मेशिनबाट धान रोपाई गरिएको छ । प्रविधिमा आधारित कृषि, आत्मनिर्भरता र समृद्धिको नारा बोकेको संस्थाले अघिल्लो वर्षदेखि मेशिनबाट धान रोप्न लागेको हो ।

तिलोत्तमा नगरपालिकाका नगरप्रमुख बासुदेव घिमिरेले मेशिनबाट धान रोपेर औपचारिक रुपमा कार्यक्रमको उद्घाटन गर्दै कृषिमा नयाँ प्रविधि र विकास जरुरी रहेको बताए ।

कांग्रेस नेता तथा अभियन्ता डा. दामोदर भुषालले किसानका लागि बिउ खरिददेखि कृषि उत्पादन र बजारीकरणसम्म धेरै समस्या रहेको बताए । उनले समाधान गर्न सरकारको सहयोग जरुरी रहेको बताए। प्रविधि किन्नका लागि किन्ने भन्दा पनि ब्यवहारिकताबारे अध्ययन गर्न जरुरी रहेको बताए ।

समुहमा रहेका किसानहरु करिब ५ विगाहा क्षेत्रफलमा चकलाबन्दी खेती गर्दै आएको उनले बताए । बीउ बनाउन ढिलाई हुदा रोपाईमा समस्या भएको उनले बताए ।

संस्थाका सचिव शिव प्रसाद ढकालले संस्थामा १ सय १४ घरधुरि रहेको बताए । उद्यमशिल टोल विकास संस्थाका अध्यक्ष घनसिह पुनले ब्यवहारिक रुपमा प्रविधियुक्त रोपाई देखाउन पनि कार्यक्रमलाई निरन्तरता दिदै आएको बताए ।

परम्परागत खेतिबाट किसानलाई श्रम बढी र आर्थिक रुपमा घाटा रहेको भन्दै उनले कृषिमा आधुनिकता र मेशिनको प्रयोग जरुरी रहेको बताए । बजारमा विभिन्न किसिमका पेडि रोपर मेशिनहरु भित्रिएका छन ।

नेपालमा मनमीत श्री ट्रेनिङले कृषिजन्य प्रविधिहरु भित्राएर किसानलाई साथ दिदै आएको छ । मनमीत श्री ट्रेनिङका संचालक उदय कुमार सिहले कृषिलाई आधुनिकता ल्याउने नया नया प्रविधि प्रयोगबारे किसानलाई सिकाउदै आएको बताए ।

शक्तिमानको पेडि रोपर ३७ नामको यो मेशिन एउटा अत्याधुनिक मेशिन हो जसको माध्यमबाट एउटा सिधा लाईनमा धान रोप्न सकिन्छ । परम्परागत खेति गर्दा २० जनाले दिनभरिमा १ विगाहा धान रोप्न सक्छ भने यो मेशिनको प्रयोगबाट एक जनाले एक दिनमा ५ विगाहा रोप्न सकिने छ । प्रतिघण्टा १० कठ्ठा क्षेत्रफलमा रोपाई गर्न सकिने उनले बताए । मेशिन करिब ६ लाख रुपैया पर्ने उनले बताए ।

यता अखिल नेपाल किसान महासंघ रुपन्देहीले रोपाई गरेर राष्ट्रिय धान दिवस मनाएको छ । बुटवल १२ स्थित सिद्धबाबा तरकारी उत्पादक कृषी समूहको १४ कठ्ठा खेतमा धान रोपाई गरेर दिवस मनाएको हो ।

बुटवल उपमहानगरपालिकाका उपप्रमुख गोमा आचार्यले धान रोपेर कार्यक्रमको उद्घाटन गर्दै उपमहानगरले किसान लक्षित कार्यक्रम ल्याएर प्रोत्साहन गरेको बताईन ।

नागरिक अनलाइन

लेखकबाट थप

• बुधवार, आषाढ १६ २०७८०९:१३:४७

• Tags:

  # कृषि # राेपाइँ # धान रोप्ने मेसिन

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...