बुटवल,असार ४-

गण्डकी प्रदेशका मुख्यमन्त्री कृष्णचन्द्र नेपाली पोखरेलले संसदबाट विश्वासको मत प्राप्त गरेका छन् । शुक्रबार भएको मतदानमा पाेखरेलले ३१ मत प्राप्त गरेका हुन् । उनको बिपक्षमा २७ मत परेको छ । आजको बैठकमा ५८ जना सांसद मात्र सहभागि थिए । 

६० सदस्यीय गण्डकी प्रदेश सभामा अहिले सरकारसँग ३१ मत छ । नेपाली कांग्रेसका १५, माओवादी केन्द्रका ११, जनमोर्चाका २, जनता समाजवादी पार्टीका २ र स्वतन्त्र सांसद १ छन् । सभामुखले भने मत हाल्न पाउँदैनन् ।

प्रमुख प्रतिपक्षी दल एमालेसँग आफ्नो पार्टीको मात्रै २७ सांसद छन् । राष्ट्रिय जनमोर्चाका कृष्ण थापाको सांसद पद पनि उनकै पार्टीले कारबाही गरेपछि गुमेको छ ।

मुख्यमन्त्री कृष्णचन्द्र नेपाली पोखरेलले प्रदेश सभामा टेबल गरेको विश्वासको मतसम्बन्धी प्रस्तावमा छलफलपछि मतदान भएको हाे । साे छलफलमा निवर्तमान मुख्यमन्त्री एवं प्रमुख प्रतिपक्षी दलका नेता पृथ्वीसुब्बा गुरुङले संघीयता कार्यान्वयनका लागि सरकारले काम गर्दै गए आफ्नो जहिले पनि समर्थन रहने दाबि गरेका थिए ।

याे पनि :-

गण्डकी प्रदेशका नवनियुक्त मुख्यमन्त्री पोखरेलले विश्वासको मत लिंदै

नागरिक अनलाइन

लेखकबाट थप

• शुक्रवार, आषाढ ४ २०७८०४:१६:०१

• Tags:

  # गण्डकी प्रदेश # विश्वासको मत # मुख्यमन्त्री कृष्णचन्द्र नेपाली पोखरेल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा