बुटवल,जेठ २७-

गण्डकी प्रदेशसभा विपक्षी दलका नेता कृष्णचन्द्र नेपालीले प्रधानमन्त्री केपी ओलीको असंवैधानिक कदमलाई समर्थन गरेका कारण गण्डकी प्रदेश सरकारको विकल्प खोज्नु अनिवार्य भएको बताएका छन् ।

उनले संविधान र लोकतन्त्रविरुद्ध उभिने संघीय सरकारलाई समर्थन गर्ने सबै प्रदेश सरकारको विकल्प खोज्नुपर्ने बताए ।

‘जसरी संघमा प्रधानमन्त्रीले संसद छलेर हिड्नुभयो त्यसरी नै मुख्यमन्त्रीजीले प्रदेशसभाको अवमूल्यन गरिरहनुभयो । संविधान, संसद र लोकतन्त्रसंग भागेर हिँड्ने सबै सरकारविरुद्ध हामीले मोर्चाबन्दी गरेका छौं’, नेपालीले भने ।

उनले मुख्यमन्त्रीले प्रदेशससभामा सुनाएका सफलता झूठो रहेको दावी समेत गरे । ‘सरकारले प्रदेशसभामा पढेर सुनाएका सफलताहरु जनताले अनुभूति गर्न पाएका छन् । भन्नका लागि सफल भयौ भनेर हुँदैन, गण्डकी प्रदेश सरकार असफल भएको छ’, उनले भने ।

नेपालीले बोलेसँगै विश्वासको मत सम्बन्धी प्रस्तावउपर धारणा राख्ने समय सकिएको छ ।

नागरिक अनलाइन

लेखकबाट थप

• बिहिवार, जेठ २७ २०७८०५:०४:१२

• Tags:

  # गण्डकी प्रदेश # कृष्णचन्द्र नेपाली

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...