बुटवल,असाेज ३-

प्रदेश न ५ का मुख्यमन्त्री शंकर पोखरेलले सरकारले चालेका कदमप्रति नागरिकको सार्थक सहयोगबाट मात्रै काेराेना माहामारीलाई जित्न सकिने बताएका छन् ।

उनले काेराेनाका कारण केही महिनादेखि दैनिकी खल्बलिएको भन्दै  लामो लकडाउन र निषेधाज्ञा गर्न नहुने बताए । उनले स्वास्थ्य सुरक्षा सर्तकता र मापदण्ड पालना गरी समाजका विभिन्न क्षेत्र खुलाएर अघि बढ्नुपर्ने बताए  ।

लकडाउन र निधेषाज्ञा नभई खुला हुँदै जानुको अर्थ कोभिड-१९ नियन्त्रण भएको भनेर नबुझ्न  उनकाे आग्रह छ । संविधान दिवसकाे अवसरमा प्रदेश न ५  सरकारद्वारा बुटवलमा आयाेजित मूल समाराेह -२०७७लाइ सम्बाेधन गर्दै मुख्यमन्त्री पोखरेलले  दैनिकीलाई नियमित गर्न र गराउन अझ उच्च सतर्कता आवश्यक रहेकाे बताए ।

कोभिड—१९ को जोखिमबाट नागरिकलाई जोगाउन तहगत सरकारहरुले काम गरिरहेकाे र यसमा स्थानीय सरकारकाे भूमिका प्रशंसनिय भएकाे बताए । उनले  कोभिड-१९ को महामारीलाई जितेपछि आगामी वर्षका चाडपर्व, उत्सव र दिवसलाई भव्य रुपमा मनाउने तर्क गरे  ।

पाेखरेलले देशका तीन सरकार मध्ये सबैभन्दा कम प्रशासनिक खर्च हुने सरकार भनेकै प्रदेश सरकार रहेकाे दाबि गरे ।  प्रदेश ५ सरकारले अन्यकाे तुलनामा नमुना काम गरिरहेकाे समेत उनले दाबि गरे ।

‘सबैभन्दा धेरै बित्त हस्तान्तरण,धेरै पूजिगत खर्च गर्न सक्ने हामी नै हौं तर जनताको अपेक्षा र आशाकाे तुलनामा कमी नै छ तर तिब्रता दिनेछौं ’ उनले भने । 

चालु आवमा प्रदेश ५ सरकारले १५० किलोमिटर सडक कालोपत्रै गरेर बिकासकाे गतीलाइ तिब्रता दिएकाे समेत उनले बताए ।  साे अवसरमा प्रदेश  सरकारले बिभिन्न ब्याक्तित्व र संघ संस्थालाइ सम्मान र पदक प्रदान गर्ने घाेषणा गरेकाे छ । सरकारकाे सम्मान र पदक प्रदेश स्थापना दिवसका दिन फागुन ३ गते प्रदान गरिने छ ।

नागरिक अनलाइन

लेखकबाट थप

• शनिवार, आश्विन ३ २०७७०९:३२:५१

• Tags:

  # बुटवल # नागरिक अनलाइन # मुख्यमन्त्री # शंकर पोखरेल # प्रदेश ५

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन