बुटवल,जेठ २५-

कोभिड महामारीका कारण भोकै रहेका र फ्रन्टलाईनमा रहेर सेवामा खटिएकाहरुका लागि बुटवलमा खाना खुवाउन तीन युवा सक्रिय छन् ।उनीहरुले यसरी टिफिन तयार पारेर बाँड्न थालेको १४ दिन बितिसकेको छ ।

दोश्रो भेरियण्टले बुटवल र आसपासको क्षेत्रमा महामारीको रुप लिएपछि स्थानीय युवाहरु इ सन्जय पाण्डेय ,सुनिल शाही र राज पोखरेलले मायाले भरिएको पोषणयुक्त टिफिन बक्स अभियान सुरु जारी राखेका हुन्  ।

उनीहरु तीनै जना नेपाली काँग्रेसका कार्यकर्ता हुन् । पाण्डेय नेपाली कांग्रेसको शुभेक्छुक संस्था सिडेनका निवर्तमान केन्द्रिय कोषाध्यक्ष तथा युवा नेता हुन् भने शाही तरुण दल विभागीय रुपन्देही जिल्ला सदस्य हुन् त्यस्तै गरी पोख्रेल (राज ) बिपि स्टडी युथ सर्कल एवं तरुण दल बुटवल नगर सदस्य समेत हुन् ।

उनीहरुको अभियानमा दैनिक खाजा बनाउन सहयोग गर्नेहरु महेन्द्र जीसी, तुलसीराम अर्याल, अक्कल जीसी, पुजा गुरुङ्ग, पवित्रा भुसाल, अम्बिका खनाल र प्रकृती न्यौपाने छन् ।

त्यस्तै दैनिक खाजा पुर्याउन खटिनेहरुमा सुवास रायमाझी, बिमल पौडेल,सुनिल शाही , सन्जय पाण्डे र भेषराज पोख्रेल (राज ) हुन् ।
भेषराज पोख्रेलले नागरिक अनलाइनसंग भने-आजसम्म १ हजार ७ सय भन्दा बढी टिफिन बक्स वितरण गर्यौँ ,हामीलाई अन्य सहयोगी दाताहरुले आर्थिक सहयोग पनि गरिरहनुभएको छ,सबैलाई धन्यबाद पनि छ ।’

सो टिमले लुम्बिनी प्रादेशिक अस्पताल बुटवल , बुटवल धागोकारखानामा रहेको कोरोना बिशेष अस्पताल ,देबिनगर आइसोलेसन सेन्टरका लागि कोरोना संक्रमित , चिकित्सक,नर्स तथा अन्य स्वास्थ्यकर्मी , अस्पतालका सुरक्षाकर्मी तथा अन्य कर्मचारीलाई दिनहुँ मायाले भरिएको पोषणयूक्त टिफिन बक्स निशुल्क उपलव्ध गराउदै आएका छन् । 

 हरेक दिन फरक फरक परिकार उपलव्ध गराउदै आएको अभियन्ता सन्जय पाण्डेको भनाइ छ ।

नागरिक अनलाइन

लेखकबाट थप

• बुधवार, जेठ २६ २०७८०६:५६:४२

• Tags:

  # राहत # नि:शुल्क खाना अभियान # टिफिन बक्स बितरण

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा