बुटवल,जेठ १७-

नेपाल विद्यार्थी संघले रूपन्देहीमा सरकारबिरुद्ध सांकेतिक बिराेध प्रदर्शन गरेको छ । बुटवल १२ तामनगरमा चाेकमा राष्ट्रपति विद्यादेवी भण्डारी र प्रधानमन्त्रि केपी शर्मा ओलीको तस्वीर बनाएर बयलगाढामा सवार गराएका छन् ।

ओलीले नेपालमा गणतन्त्र आउनु बयलगाढा चढेर अमेरिका गए जस्तै हो भनी दिएको अभिब्यक्ति र संविधान विपरित काम गर्ने प्रधानमन्त्रीलाई साथ दिएको भन्दै राष्ट्रपति भण्डारीको कार्यशैलीको बिराेधमा व्यंग्यात्मक र सांकेतिक बिराेध प्रदर्शन गरिएको नेपाल विद्यार्थी संघले जनाएको छ ।

उनीहरुले प्रदर्शनसंगै प्रधानमन्त्री र राष्ट्रपतिको राजिनामा समेत माग गरेका छन् । कोरोना महामारीमा समेत नागरिकको स्वास्थ्य भन्दा राजनीतिक खिचातानीलाई प्राथमिकता दिई जनताको हित विपरित काम गरेको भन्दै बिराेध गरिएको नेविसंघका नेता सुदिप शर्माले बताए ।

बिराेध प्रदर्शनमा  सुन्दर अर्याल , दीपक घिमिरे ,सागर घिमिरे सृजना गरी , नारायण पोखरेल, अमृत भण्डारी, मनिष श्रेष्ठ, सुजु घले,  सुमन गुरुङ, लक्ष्मण न्यौपाने ,सुरज श्रेष्ठ लगायतको सहभागिता थियो । 

नागरिक अनलाइन

लेखकबाट थप

• सोमवार, जेठ १७ २०७८०५:१२:५०

• Tags:

  # बयलगाढा # नेविसंघ # बिराेध प्रदर्शन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा