बुटवल,जेठ १७-

कोरोना महामारीले अप्ठ्याराेमा परेकाहरुका लागि रूपन्देही तिलाेत्तमा-६ का एक युवा सारथी बनेका छन्  । साँझ विहान छाक टार्न समस्याहुनेहरुलाई मणिग्रामका युवा लक्ष्मण गौतमले घरमै पुगेर खाद्यान्न बितरण गरिरहेका छन् ।

उनले अहिलेसम्म १ सय घरपरिवारलाई यसैगरी राहत स्वरुप निभेको चुल्हाे बाल्ने काम गरेका हुन् ।

बिपी स्टडी युथ सर्कल लुम्बिनी प्रदेशका अध्यक्ष तथा नेपाल तरुण दलका रुपन्देहीका नेता समेत रहेका गाैतमले नागरिक अनलाइनसंग भने-‘राहत स्वरुप चामल ,दाल ,आलु ,प्याज ,सोयाबिन ,नुन ,तेल बितरण गरिरहेको छु,कोही पनि भाेकै नपराेस् भन्ने मेराे मनसाय हाे ,लकडाउन सकिएपनि मैले ५ सय परिवारलाई राहत बाँड्ने लक्ष्य छ ।’

अहिलेसम्म शुद्धाेधन गाउपालिका,बुटवल उपमहानगरपालिका, सैनामैना नगरपालिका, तिलाेत्तमा नगरपालिका,देवदह नगरपालिका, सिद्धार्थनगर नगरपालिकाका बिपन्न, गरिब ,मजदुरी पनि गुमाएका घर परिवारलाई राहत सामग्री घरमै लगेर दिदै आएका छन् ।

गाैतमले आफूले अरुको दु:ख देख्न नसक्ने बताए । म आफै खटेर हिडेंको छु,घामपानी ,कोराेनाको जाेखिम सबै भुलेर समाजसेवा गरेको हुँ,उनले भने-‘मेराे योे काम कतिपयलाई टाउको दुखाई बनेको देखेको छु ।‘

दैनिक तालिका बनाएर राहत बाँड्न हिडेको छु,आफ्नै खर्चमा भाेकपेटहरुको सेवा गर्नु मेराेलागि साैभाग्यको कुरा पनि हाे ।उनले सुनाए ।

गौतमले आफूले जनप्रतिनिधि भएर जनताको सेवा गर्ने मन भएको बताए । गौतम यसअघि बेलायतमा होटेल संचालन गरेपनि अहिले परिवारसहित नेपाल फर्केर जनताको सेवामा लागेको बताए ।

नागरिक अनलाइन

लेखकबाट थप

• सोमवार, जेठ १७ २०७८०३:३७:५८

• Tags:

  # राहत # लक्ष्मण गाैतम

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा