बुटवल,जेठ १४-

बुटवलका सर्जक दिनेश खड्काले खुसीको गीत ल्याएका छन् । उनले कोरोना महामारीको बेला मानिसमा उत्साह जगाउन गीत रचना गरेको नागरिक अनलाइनलाई बताए ।

‘कोरोनाले गर्दा मानिसमा निराशा छाइरहेको बेला संगीतको माध्यमबाट सकारात्मक सोच्न र आशावादी हुन प्रेरित गर्छ’- उनले भने।

आफन्त तथा प्रियजन गुमाउन परिरहेको र बिरामी भएकाहरुले उपचारको अभावमा छट्पटाउनु पर्ने विकराल अवस्थामा शब्द संगीतको माध्यमबाट मानिसमा नयाँ उर्जा थप्न सकियोस भनेर नै गीत तयार पारिएको देखिन्छ ।

सबैको आत्मबल बढाउन संगीत निकै महत्वपूर्ण हुने भएकोले गीतमार्फत उर्जा थपिने विस्वास व्यक्त गरे ।  बरिष्ठ संगीतकार सुरेश सेन्चुरीले संगीत संयोजन रहेको गीतमा बिशाल आत्रेय, सरिता पन्थी, शिव बि.क. र सिमा थापाको स्वर रहेको छ । यूफोनिक स्टुडियोले तयार गरेको गीतको अडियो रेकर्ड तथा सम्पादन नरेश पाण्डेले गरेका छन् । 

लाईफ एजुकेशनको प्रस्तुती रहेको म्यूजिक भिडियो भने गीतकार खड्काको आफ्नै यूट्युव च्यानल मार्फत सार्वजनिक गरिएको छ । भिडियोको निर्देशन तथा सम्पादन गीतकार खड्काले नै गरेका हुन् । उनले यसअघि २०७२ सालको भूकम्प जादाँ समेत उत्साह जगाउने २ वटा गीत निकालेका थिए । 

नागरिक अनलाइन

लेखकबाट थप

• शुक्रवार, जेठ १४ २०७८०९:३४:२७

• Tags:

  # गीतसंगीत # दिनेश खड्का

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा