बुटवल,असाेज १- 

सार्बजनिकलेखा समितिका सभापति एवं रुपन्देही क्षेत्र नम्बर ५ का सांसद भरत कुमार शाहले सरकारले जनताको पक्षमा केही काम नगरेको बताउदै कांग्रेस जनताका मुद्दामा सडकमा समेत उत्रिने बताएका छन ।

नेपाली कांग्रेस रुपन्देहीले भैरहवामा आयोजना पार्टी प्रवेश कार्यक्रमलाई सम्बोधन गर्दै शाहले सरकारले लकडाउनको अवधिलाई सदुपयोग नगरेको आरोप लगाए ।

उनले अन्य देशमा लकडाउन गरे पछि बिभिन्न भौतिक पूर्वाधारहरु निर्माण गरेको, अस्पताल, क्वारेन्टाईन लगायत निर्माण कार्यमा समय खर्चिए पनि नेपाल सरकार भ्रष्ट्राचारमै लिप्त रहेको आरोप लगाए । 

प्रमुख प्रतिपक्षी भए पनि अहिले सम्म लकडाउनकै कारण सडकमा आएर बिरोध गर्न नसकेको बताउदै शाहले अब अति भएको टिप्पणी गरे । उनले अब कुनै  पनि कारणले कांग्रेस आन्दोलनमा नरोकि सडकमा आउने दावी समेत गरे ।

 नेकपा र विप्लव समूहका १० जना कार्यकर्ता कांग्रेसमा प्रवेश :

नेपाली कांग्रेस जिल्ला कार्य रुपन्देहीद्वारा आयोजित पार्टी प्रवेश कार्यक्रममा रुपन्देही क्षेत्र नम्बर ५ अन्तर्गत सैनामैना नगरपालिकाका नेकपा र नेकपा (विप्लव) समूहका १० जना कार्यकर्ताले नेपाली कांग्रेसमा प्रवेश गरेका जिल्ला सचिव रामकृष्ण खाँणले जानकारी दिए । 

नागरिक अनलाइन

लेखकबाट थप

• बिहिवार, आश्विन १ २०७७०७:०९:३७

• Tags:

  # नेपाली कांग्रेस # भरत कुमार शाह

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...