बुटवल,बैसाख २६-

तीनदिन अघि रुपन्देहीको बुटवलमा उपचारका लागि बेड नपाएर ज्यान गुमाएका एक युवाको आज अन्तिम संस्कार गरिएको छ ।

बुटवल  वडा न ७ का जनप्रतिनिधि तथा नेकपा एमालेका वडा कमिटी अध्यक्ष समेत रहेका नविन थापाको स्थानीय युवाहरुले अन्तिम श्रद्धाञ्जली सहित बुटवलको मगरघाटमा लगेर दागबत्ती दिएका छन् । 

तर बिडम्बना उनको अन्तिम संस्कारमा पनि उनको पार्टीका कोही पनि सहभागि नभएपछि नेपाल तरुण दलका युवाहरुले एमालेको झण्डा थापाको पार्थिव शरिरमा ओढाएको तरुण दलका युवा नेता हरि क्षेत्रीले नागरिक अनलाइनलाई बताए ।

कोरोनाकै कारण मृत्यु भएका उनको शव तीनदिनसम्म कसैले उठाएको थिएन ।  तीनदिन बितिसक्दा पनि एमालेका मान्छे कसैले थापाको शवबारे र दाहसंस्कारमा चासाे नदेखाएको तरुण दलको आराेप छ । एमालेले दाहासंस्कार नगरेपछि नेपाल तरुण दल वार्ड सभापति रबि गौचनको नेतृत्वमा स्थानीय युवाहरु मिलि मृतआत्माको शान्तिको कामना सहित मगरघाटमै श्रद्धाञ्जली कार्यक्रम समेत राखेका थिए । 

यूसिएमएस भैरहवाबाट थापाको शव ल्याएर उनको मृतआत्मालाई न्याय दिनका लागि एमालेको झण्डा खाेजी-खाेजी ल्याएर ओढाएको सभापति गौचनले जानकारी दिए । अन्तिम संस्कारमा नेपाली कांग्रेसको भातृ संगठन नेपाल तरुण दलका नेता कार्यकर्ता सहभागि थिए ।

नागरिक अनलाइन

लेखकबाट थप

• आइतवार, बैशाख २६ २०७८०६:३४:३६

• Tags:

  # रुपन्देहीमा कोरोना # नविन थापा मगर # नेपाल तरुण दल # अन्तिम श्रद्धाञ्जली

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...