बुटवल,बैसाख २१-

काठमाडौं उपत्यकामा निषेधाज्ञा एक साता थप गरिएको छ । प्रमुख जिल्ला अधिकारीहरुको बैठकले फुटपाथ र ठेलागाडामा रोक लगाउने निर्णय गरेको छ । मास्क नलगाउनेलाई पनि कारवाही गर्ने निर्णय भएको छ ।

बुधबार बसेको उपत्यकाका तीन जिल्ला काठमाडौं, भक्तपुर र ललितपुरका प्रमुख जिल्ला अधिकारीहरुको संयुक्त बैठकले निषेधाज्ञा २९ बैशाखसम्म थप गर्ने निर्णय गरेको ललितपुरका सहायक प्रमुख जिल्ला अधिकारी ललितकुमार बस्नेतले जानकारी दिए ।

यसअघि १६ बैशाखबाट जारी निषेधाज्ञा भोलि राति १२ बजेबाट सकिदैं थियो । कोभिड-१९ संक्रमणको जोखिम उच्च बनेको निष्कर्ष निकाल्दैं प्रमुख जिल्ला अधिकारीहरुको बैठकले निषेधाज्ञा अझ कडा बनाउने निर्णय पनि गरेको छ ।

अब अत्यावश्यकबाहेक घरबाहिर निस्कन समेत पाइने छैन । अत्यावश्यक कामबाहेक बाहिर निस्कनेलाई होल्डिंग सेन्टरमा राखेर जरिवाना गरिनेछ । यसअघि साँझ र विहान २ पटक पसलहरु खुल्ला हुँदैं आएकोमा अब एक पटक विहान मात्रै पसलहरु खुल्ला रहनेछन् ।

विहान ७ बजेदेखि ९ बजेसम्म खाद्यान्न, तरकारीलगायतका पसलहरु खोल्न दिइनेछ । यस्तै, सवारी आवागमनमा पनि कडाइ हुने भएको छ । प्रशासनले यसअघि जारी गरेका सबै पासहरु रद्ध गर्ने निर्णय गरेको छ । बैंक तथा वित्तिय संस्थाका २५ प्रतिशत कार्यलयहरु खुल्ला राख्न पाइनेछ भने त्यहाँ २० प्रतिशत कर्मचारीलाई मात्र काममा लगाउन पाइनेछ ।

नागरिक अनलाइन

लेखकबाट थप

• मंगलवार, बैशाख २१ २०७८०४:३३:३८

• Tags:

  # निषेधाज्ञा # उपत्यका

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन