बुटवल,बैशाख ४-

कोहलपुरमा शुक्रबार साँझ सवारी दुर्घटना भएको छ । दुर्घटनामा परी ५ जनाको मृत्यु भएको छ भने बसमा सवार ३० जना बढी घाइते भएको ईलाका प्रहरी कार्यालय कोहलपुरले जनाएको छ ।

कोहलपुर नगरपालिका रोहिणी खोला नजिकै यात्रुवाहक बस र टिप्पर एकआपसमा ठोक्किदा दुर्घटना भएको हो । साँझ सवा ६ बजेको समयमा मे १ख ३३४७ नम्बरको बस र टिप्पर एक आपसमा ठोक्किका हुन् । प्रहरीका अनुसार उक्त बसमा ४० बढी जना यात्रु रहेका थिए ।

सुर्खेतबाट धरानतर्फ जाँदै गरेको बस र बालुवा लोड गरेर कोहलपुरतर्फ आउँदै गरेको टिप्पर एक आपसमा जुँधेका थिए ।

घाइतेहरुको नेपालगन्ज मेडिकल कलेज शिक्षण अस्पताल कोहलपुरमा उपचार भइरहेको छ । चारजना मृतकको सनाखत भएको ईलाका प्रहरी कार्यालय कोहलपुरले जनाएको छ । मृत्यु हुनेमा टिप्परका सहचालक उदय बाँठा र टिपर चालक २५ वर्षीय खगेन्द्र बहादुर सुनार छन् ।उनीहरु दुवै कोहलपुर १२ बस्दै आएका थिए ।

सुर्खेत घर भएका ४१ वर्षीय जीवन कुमार बिक र झापाको मेची नगपारपालिका १० घर भएका छत्रबहादुर कटुवाल छन् । दुर्घटना ज्यान गुमाएकी करिब ३५ वर्षीया महिलाको पहिचान खुल्न बाँकी छ ।

दुर्घटनामा परेर ७ जना गम्भीर घाइते भएका छन् । उनीहरुको कोहलपुर मेडिकल कलेजमा उपचार भइरहेको छ ।

नागरिक अनलाइन

लेखकबाट थप

• शनिवार, बैशाख ४ २०७८०८:५१:५१

• Tags:

  # दुर्घटना

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन