जनकपुरधाम,चैत ३० ।

नेकपा माओवादी केन्द्रले प्रदेश २ का चार प्रदेशसभा सदस्यलाई कारबाही गरेको छ । र, दल त्याग गरेकाले राजनीतिक दलसम्बन्धी ऐन अनुसार पदमुक्त गर्ने प्रक्रिया अगाडि बढाउन प्रदेशसभा सचिवालयलाई पत्र पठाएको छ ।

माओवादी केन्द्रले चार सांसदलाई पार्टीले कारबाही गरेको पत्र बुझाएको सभामुख सरोजकुमार यादवले जानकारी दिए ।

माओवादी केन्द्रले नेकपा एमालेमा प्रवेश गरेका रामचन्द्र मण्डल, ज्वाला साह, कुन्दन प्रसाद कुशवाहा र मोहम्मद समीरसँग २४ घण्टे स्पष्टीकरण सोधेको थियो । तर जवाफ नआएपछि कारबाही गरिएको माओवादी केन्द्रले जनाएका छ ।

अब प्रदेशसभामा सभामुखले राजनीतिक दलसम्बन्धी ऐन अनुसार पदमुक्त भएको घोषणा गर्नेछन् ।पदमुक्त हुनेमा तीन जना प्रत्यक्ष निर्वाचन हुन् भने एक समानुपातिक प्रदेशसभा सदस्य हुन् । समानुपातिक सदस्यको स्थानमा दलले नयाँँ पठाउन सक्छ ।

प्रदेशमा माओवादीका ११ प्रदेशसभा सदस्य थिए ।

नागरिक अनलाइन

लेखकबाट थप

• सोमवार, चैत्र ३० २०७७०७:०४:३१

• Tags:

  # प्रदेश २ # नेकपा माओवादी केन्द्र # कारबाही

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...