सोमवार, चैत्र ९ २०७७

रंगशाला निर्माणमा आर्थिक सहयोग जुटाउन धुर्मस–सुन्तली फाउण्डेशनको टाेली मेची–महाकाली अभियानमा (लाइभ भिडियाे सहित)

नागरिक अनलाइन

8.9K

रंगशाला निर्माणमा आर्थिक सहयोग जुटाउन धुर्मस–सुन्तली फाउण्डेशनको टाेली मेची–महाकाली अभियानमा (लाइभ भिडियाे सहित)

बुटवल चैत्र ९-

धुर्मस-सुन्तली फाउण्डेशनले क्रिकेट रंगशाला निर्माणमा आर्थिक सहयोग जुटाउन मेची–महाकाली अभियान शुरु गर्ने भएको छ । चितवनको भरतपुरमा निर्माण भैरहेको गौतमबुद्ध अन्तर्राष्ट्रिय क्रिकेट रंगशाला निर्माणमा आर्थिक सहयोग जुटाउन फाउण्डेशनले अभियान शुरु गर्न लागेको हो ।

चैत १० गते पश्चिमको कन्चनपुरबाट अभियानको शुभारम्भ गर्न लागिएको धुर्मस सुन्तली फाउण्डेशनका अध्यक्ष सिताराम कट्टेल धुर्मसले नागरिक अनलाइनलाइ जानकारी दिए ।

यो अभियान महाकाली नदीको किनारबाट सुरु हुने छ । अभियानमा सहभागी हुने टोलीलाई आज बुटवलमा स्वागत गरिएको हाे । बुटवलमा गाेर्खाली युवा शशक्तिकरण संस्थाले उनीहरुलाइ स्वागत तथा सम्मान गरेको छ ।

साे अबसरमा गाेर्खाली युवा शशक्तिकरण संस्थाका अध्यक्ष भरत पुरीले रुपन्देहीबाट आर्थिक सहयोग जुटाउन आफुहरु तयार रहेको बताए ।

महाकाली नदी, लुम्बिनी र मेची नदीको माटो ल्याएर रंगशालाको मैदानमा राख्ने योजना बनाइएको छ । रंगशाला निर्माण सबै जसो जिल्लाको सहभागिता, अपनत्व र योगदान रहोस् भनेर मेची महाकाली अभियान सुरु गर्न लागिएको अभियानमा सहभागि कलाकार अर्जुन घिमिरे पाडेँले बताए ।

रंगशालामा ७७ वटै जिल्लाका कोठा रहने अर्जुन भुसालले नागरिक अनलाइनलाइ बताए । साे कार्यक्रमको संचालन सचिब केशब खनालले गरेका थिए ।

पश्चिम सकेपछि याे यात्रा पूर्वी जिल्लातिर जाने फाउण्डेशनका अध्यक्ष धुर्मुसले बताए ।उनले सबैलाइ सक्दाे सहयाेग गर्न आग्रह गरे । महाकालीबाट सुरु गर्न लागिएको अभियान कन्चनपुर, कैलाली, बर्दिया, बाँके, दाङ, सुर्खेत, कपिलवस्तु, रुपन्देही, परासी, नवलपुर र चितवनसम्म पुगेपछि पुन पर्वी जिल्लातिर जानेछ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)