बुटवल,चैत ६-

रुपन्देहीमा जारी रिद्धिसिद्धि फुटसल प्रतियोगिता २०२१ को पहिलो दिन चरङे एफसीले विजयी शुरुवात गरेको छ ।

सनराईज स्पोर्ट्स तिलोत्तमाको आयोजनामा भलबारीस्थित सनराईज स्पोर्ट्स फुटसल एरिनामा भएको चरङे एफसीले एभेन्जर एफसी काठमाण्डौलाई ४–१ गोल अन्तरले पराजित गर्दै क्वाटरफाईनलमा प्रवेश गरेको हो ।

यसैगरि पहिलो दिनको खेलमा इमा एफसीले मनकामना एफसीलाई २–१ गोल, प्ले अनले शान्ति नमुना एफसीलाई ३–१ गोल, कुमारी एफसीले स्मृति एफसीलाई ४–१ गोल, लुम्बिनी एफसीले सनराईज एफसी ए लाई ३–२ गोल, ईन्टर एफसीले सनराईज एफसी बि लाई ४–३ गोल, ईडुराईज एफसी चितवनले रिद्धिसिद्धि एफसी बि लाई ६–० गोल तथा रिद्धिसिद्धि ए ले ह्याप्पी एफसीलाई १०–१ गोल अन्तरले पराजित गर्दै क्वाटरफाईनलमा प्रवेश गरेका छन ।

शनिबार क्वाटरफाईनल खेलमा चरङे एफसी र प्ले अन, इमा एफसी र कुमारी एफसी, लुम्बिनी एफसी र ईडुराईज एफसी चितवन तथा रिद्धिसिद्धि ए र ईन्टर एफसीका बिचमा खेल हुने संयोजक राजेन्द्र केसीले बताए । प्रतियोगिताका उपाधि विजेतालाई नगद १ लाख १ हजार रुपैया, कप, मेडल, प्रमाणपत्र तथा उपविजेता टिमलाई नगद ५१ हजार रुपैया, कप, मेडल, प्रमाणपत्रबाट पुरस्कृत गरिने उनले बताए ।

यसैगरि प्रतियोगितामा बेष्ट गोलकिपर, हाई स्कोरर र सर्वोत्कृष्ट खेलाडीलाई नगद ५ हजार रुपैयासहित मेडल, कपबाट पुरस्कृत गरिने उनले बताए ।

प्रतियोगितामा काठमाडौं, चितवन, रुपन्देहीका स्मृति स्पोर्ट्स क्लब, युनिक फुटसल, ईन्टर स्पोर्ट्स क्लब, चरङे, लुम्बिनी फुटसल, एभेन्जर फुटसल क्लब लगायत १६ टिमको सहभागिता रहने सहसहयोजक सचिन घिमिरेले बताए । 

नागरिक अनलाइन

लेखकबाट थप

• शुक्रवार, चैत्र ६ २०७७०७:२६:११

• Tags:

  # फुटसल

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन