बुटवल,फागुन २८ - 

सुस्तमनःस्थिति बाल विद्या मन्दिर बौद्धिक अपाङ्गता भएका बालबालीकाहरुको सेवा केन्द्र बुटवल ७ को आयोजनामा बौद्धिक अपाङ्गता भएकाहरुको लागि लुम्बिनी प्रदेश स्तरीय विशेष खेलकुद प्रतियोगिता २०७७ हुने भएको छ ।

प्रतियोगितामा लुम्बिनी प्रदेश र प्रदेश ४ को गरि १२१ जना बौद्धिक अपांगता भएका बालबालिकाहरुको सहभागिता रहने आज बुटवलमा पत्रकार सम्मेलन गरि जानकारी दिइएको छ ।

फागुन २९ गते सिद्देश्वरी माबिको प्रांगणमामा खेल हुने सुस्तमनःस्थिति बाल विद्या मन्दिरका अध्यक्ष लोकनाथ भुसालले जानकारी दिए । लुम्बिनी प्रदेशको सामाजिक बिकास मन्त्रालयको विशेष आर्थिक सहयोग रहेको जानकारी दिदै उनले लुम्बिनी प्रदेशका जिल्लाहरुको साथै प्रदेश ४ को चितवनका १ सय २१  बौद्धिक अपांगता भएका ५ देखि ३० वर्ष समुहका खेलाडीहरु सहित २ सय ५० जनाको सहभागिता रहने बताए ।

प्रतियोगितामा खेल प्रशिक्षकको रुपमा काठमाण्डौ र चितवनबाट सहभागी हुने र २५० जनाको सहभागी रहने छन् । खेलकुदको रुपमा ५० मिटर,१०० मिटर, २०० मिटर दौड , लंग जम्प , हाईजम्प ,स्ट्यान्डीङ जम्प, रिले दौड, सफ्ट वल थ्रो र पूर्ण अशक्त हरुको लागी बोसिया, लगायतका खेलहरु छात्र र छात्राको उमेर समुह बनाई  प्रतियोगिता संचालन हुने उनले बताए ।

बिहान ८ बजे देखि संचालन  हुने र  बेलुका ५ बजेसम्म  चल्ने प्रतियोगिताको उद्घाटन बुटवलका मेयर शिवराज सुबेदीले उद्घाटन गर्नेछन् भने समापन तथा पुरस्कार बितरण सामाजिक विकास मन्त्री सुर्दशन बरालले गर्ने उनले जानकारी दिए ।

२०५१ सालमा सुस्तमनःस्थिति भएका बालबालिकाहरूका आमाबुबाहरूको सामूहिक प्रयासद्वारा सुस्तमनःस्थिति बाल विद्या मन्दिर स्थापना गरिएको प्रधानाध्यापक मिना भुसाल पाठकले बताइन् ।

संस्थाबाट ११५ जना बौद्धिक अपांगता भएका बालबालीकाहरु लाई दिवा सेवा,गृहभेट  कार्यक्रम मार्फत सेवा प्रदान गर्दै आएको उनले बताइन्  ।

पत्रकार सम्मेलनमा विद्या मन्दिरका सचिब पिताम्बर खरेल,कोषाध्यक्ष चन्द्रमान श्रेष्ठ,सदस्यहरु खेम गौतम,शेरबहादुर गौतम,काशिनाथ पन्थी,साबित्रा घिमिरे लगायतले बोलेका थिए ।

कल्पना डुम्रे

लेखकबाट थप

• शुक्रवार, फाल्गुण २८ २०७७०५:४०:४३

• Tags:

  # सुस्तमनःस्थिति बाल विद्या मन्दिर # बौद्धिक अपाङ्गता

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन