बिहिवार, फाल्गुण २७ २०७७

आज महाशिवरात्रि पर्व,सिद्धबाबामा विहानैदेखि श्रद्धालुको घुइँचो (फाेटाेफिचर)

नागरिक अनलाइन

6.2K

आज महाशिवरात्रि पर्व,सिद्धबाबामा विहानैदेखि श्रद्धालुको घुइँचो (फाेटाेफिचर)

बुटवल,फागुन २७ -

आज महाशिवरात्रि पर्व आराध्यदेव भगवान् शिवको विधिपूर्वक पूजा–आराधना गरी देशभर मनाइँदैछ ।

यही विश्वासका साथ वैदिक सनातन हिन्दू धर्मावलम्बीले बिहानैदेखि नदी, कुण्ड र तलाउमा स्नान गरी शिवालयमा गई श्रद्धाभक्तिपूर्वक पूजा–आराधना गर्दछन् ।

रुपन्देहीको सिद्धबाबा धाम, मुक्तिनाथधाम, बोलबम धाम,श्रृङ्गेश्वरधाम,निलकण्ठबाबाधाम,शिद्धेश्वरधाममा दिनभर पूजाआजा गर्नेको भिड थियो ।बुटवल १२ को नयागांउ मुक्तिनाथधाममा रातभर जाग्राम सहित भजनकृतन गरिने स्वामि लोकानन्दले जानकारी दिनुभयो । धाममा बिहानैदेखि श्रद्धालुहरु जर्लापणका लागि लाम लागेका थिए ।

उता पाल्पाको बगनासकाली बराङ्दीको महामृत्युञ्जय कैलाशनगर शिवालय मन्दिर शिवासन, सिद्धवावा धाम तानसेनको ठुटेपिपल वद्रेश्वर शिवालय, बतासेडा“डा, प्रभास, नारायणस्थान, दमकडा, रामपुर लगायतका स्थानमा रहेका शिवालय मन्दिरहरुमा भक्तजनहरुको भिडभाड रहेको थियो ।

व्रतमध्ये सर्वोत्तम कहलिएको महाशिवरात्रिका दिन भक्तजनले शुद्ध भई शिव मन्दिरमा पूजा–अर्चना गरी व्रत बस्ने र भगवान् शिवको प्रिय वस्तु दूध, धतुरो र बेलपत्र चढाउने गर्छन् । यस पर्वका दिन उपवास गरी रातभर जाग्राम बसे सर्वसिद्धि लाभ भई यमलोक जानु नपर्ने धार्मिक विश्वास छ ।

siddhababa siva ratri (2).jpg पशुपतिनाथ सहितका देशभरका शिवालयहरुमा शिवको पूजा आराधना गर्नेहरुको विहानैदेखि घुइँचो लागेको छ । siddhababa siva ratri (1).jpg siddhababa siva ratri (3).jpg siddhababa siva ratri (4).jpg

शिवको पूजा आराधना गरे सुख शान्ति र परलोकमा सद्गति प्राप्त हुने धार्मिक विश्वास रहेको नेपाल पञ्चाङ्ग निर्णायक समितिका अध्यक्ष प्रा. डा. रामचन्द्र गौतमले बताए ।

siddhababa temple.jpg

आजको दिन भगवान् महादेवलाई जाडो हुने जनविश्वासले प्रत्येक घर, चोक र मठ–मन्दिरमा दाउरा मागेर धुनी जगाई भजनकीर्तनका साथ सोही आगोमा प्रसाद बनाई ग्रहण गरिन्छ ।

राष्ट्रिय सांस्कृतिक पर्वका रूपमा रहेको यो दिन आज पशुपतिनाथमा रातको चार प्रहरमा चार प्रकारका पूजाका अतिरिक्त महादीप, अखण्डदीप, लक्ष्यबत्ती तथा दीपोत्सवका साथै लाख बेलपत्र अर्पण गरिन्छ । mandir a.jpg